الماتىدا ەر ادامدى ارىققا لاقتىرىپ جىبەرگەن جۇرگىزۋشى ۇستالدى
الماتى قالالىق پوليتسيا دەپارتامەنتىنىڭ مالىمەتىنشە، ساتبايەۆ پەن بايتۇرسىنوۆ كوشەلەرىنىڭ قيىلىسىندا جۇرگىزۋشىلەردىڭ وتۋىنە كەدەرگى جاساپ، اپاتتى جاعداي تۋعىزعان ەر ادامدى ارىققا لاقتىرىپ جىبەرگەن جۇرگىزۋشى ۇستالدى.
«ماس ەر ادامدى جول جيەگىنەن ارىققا لاقتىرىپ جىبەرگەن شەتەلدىك كولىك جۇرگىزۋشىسى انىقتالىپ، جاۋاپقا تارتىلدى. ول - 1988-جىلى تۋعان ن. ەسىمدى ازامات. ال 28 جاستاعى پ. ەسىمدى ازاماتتىڭ العان دەنە جاراقاتىنىڭ اۋىرلىعىن انىقتاۋ ءۇشىن سوت-مەديتسينالىق ساراپتاما تاعايىندالدى»، - دەپ حابارلادى پوليتسيادان.
ايتا كەتەيىك، وقيعا ۆيدەوسى الەۋمەتتىك جەلىدە تاراعان بولاتىن. كەيىن ءتارتىپ ساقشىلارى جول جۇرىسىنە كەدەرگى كەلتىرگەن 28 جاستاعى الماتىلىق ازاماتتىڭ ورتاشا دارەجەدە الكوگولدىك ماس كۇيدە بولعانىن انىقتادى.
ول اكىمشىلىك قۇقىق بۇزۋشىلىق تۋرالى زاڭنىڭ 615- جانە 440-باپتارى بويىنشا جاۋاپقا تارتىلدى.
