الماتىعا قالىڭ قار ءتۇستى
قار جاۋا باستاعان ساتتەن كوكتايعاقتىڭ الدىن الۋ ءۇشىن جولدارعا، قيىلىستارعا، جولايىرىقتارىنىڭ كىرە بەرىستەرىنە مۇز ەرىتەتىن قوسپالار شاشىلدى، جاۋعان قار سىپىرىلدى.
جالپى، بۇگىن كوكتايعاققا قارسى 450 توننا ماتەريال پايدالانىلدى. تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، اۆتوتۇراق «قالتالارىن»، جەرۇستى وتكەلدەرىن، ساياباقتار مەن سكۆەرلەردى تازارتۋ جۇمىستارى ءجۇرىپ جاتىر.
قاردى تازارتۋ تاۋلى، تاۋ بوكتەرىندەگى اۋدانداردا، سونداي-اق جاياۋ جۇرگىنشىلەر ايماقتارىندا جۇرگىزىلدى. 159 تەكشە مەتر قار قالا سىرتىنا شىعارىلدى. قاردان تازارتۋ جۇمىستارىنا 621 بىرلىك ارنايى تەحنيكا، 201 قۇمشاشقىش جانە 1532 جول جۇمىسشىسى جۇمىلدىرىلدى.
اۋداندىق اكىمدىكتەر مەن مەردىگەر ۇيىمداردا قاردان تازارتۋ جۇمىستارىنىڭ ءوندىرىسىن باقىلاۋ ءۇشىن تاۋلىك بويىنا كەزەكشىلىك ۇيىمداستىرىلدى.
قازگيدرومەتتىڭ بولجامى بويىنشا 10- اقپاننىڭ تاڭىنا دەيىن قار جاۋادى دەپ كۇتىلۋدە. تۇندە اۋا تەمپەراتۋراسى 4-...6-. تۇمان، كوكتايعاق بولادى.
