الماتى ماڭىندا شوپان قارۋ- جاراق پەن وق- ءدارى تاۋىپ الدى

الماتى. قازاقپارات - الماتى ماڭىندا شوپان قارۋ- جاراق پەن ارنايى وق- دارىلەر جاسىرىلعان جەردى تاۋىپ الدى، دەپ حابارلايدى قازاقپارات ءتىلشىسى.

الاتاۋ اۋداندىق پوليتسيا باسقارماسىنىڭ قىزمەتكەرلەرى اسكەري وق وتكىزبەيتىن كەۋدەشە، كاسكا، تراۆماتيكالىق تاپانشا مەن ونداعان پاترون تاپتى.

«ءبىزدىڭ بولىمشەگە ۋ. ەسىمدى ازامات حابارلاسىپ، «دارحان» ىقشاماۋدانىنداعى سايدا مال باعىپ جۇرگەن كەزىندە قارۋ- جاراق ارسەنالىن تاۋىپ العانىن ايتتى. اقپارات راستالدى. جەدەل- تەرگەۋ توبى كاسكا، وق وتكىزبەيتىن كەۋدەشە، كالاشنيكوۆ اۆتوماتىنان پاترونسالعىش، 7,62 م م كاليبرلى 20 پاترون، «بەرەتتا» تراۆماتيكالىق تاپانشاسى، رەزەڭكە تاياقشالار، «ماكاروۆ» تاپانشاسىنان 19 پاترون جانە بەلگىسىز تراۆماتيكالىق تاپانشا تاپتى»، - دەدى الاتاۋ اۋداندىق پوليتسيا باسقارماسىنىڭ باستىعى ءىلياس ومىرسەرىكوۆ.

ونىڭ ايتۋىنشا، تابىلعان ارسەنالدىڭ مەنشىك قۇقىعى مەن قايدان الىنعانى ودان ارعى تەكسەرۋ بارىسىندا انىقتالادى.

«ارسەنالدى جاسىرعان تۇلعالار انىقتالىپ، جاۋاپقا تارتىلادى»، - دەدى ول.

اۆتور: الما مۇقانوۆا