ياندەكس تاكسي جۇرگىزۋشىسى جەلىدەگى ۆيدەودان كەيىن جازالاندى
ەر ادام الەۋمەتتىك جەلىلەردە تارالعان ۆيدەودا ەسكەرتۋ جاساعان تۇرعىنعا دورەكى جاۋاپ بەرگەن. بۇل تۋرالى Instagram-دا قالالىق پوليتسيا دەپارتامەنتى باستىعىنىڭ تەرگەۋ جۇمىسى جونىندەگى ورىنباسارى رۋستام ءابدىراحمانوۆ حابارلادى، - دەپ جازادى Tengrinews.kz ءتىلشىسى.
قۇقىق قورعاۋ ورگاندارىنىڭ نازارىن اۋدارعان روليكتى الماتى تۇرعىندارىنىڭ ءبىرى تۇسىرگەن. ۆيدەودان كتاكسي جۇرگىزۋشىسى توقتاپ، قوعامدىق كولىك ايالداماسىندا تۇرعانىن كورۋگە بولادى. تۇرعىننىڭ كولىكتى الىپ تاستاۋ تۋرالى ەسكەرتۋىنە جۇرگىزۋشى دورەكى جاۋاپ بەرگەن.
ۆيدەونى تەكسەرۋ الماتى پ د پاترۋلدىك پوليتسيا پولكىنىڭ قىزمەتكەرلەرىنە تاپسىرىلعان. قۇقىق بۇزۋشى انىقتالدى - ول 1977 -جىلى تۋعان ش. ەسىمدى ازامات بولىپ شىقتى.
«ازامات ش. ق ر اكىمشىلىك قۇقىق بۇزۋشىلىقتار تۋرالى كودەكسىنىڭ 597-بابىنىڭ 1-بولىمىندە كوزدەلگەن اكىمشىلىك قۇقىق بۇزۋشىلىق جاساعانى (كولىك قۇرالدارىن توقتاتۋ نەمەسە توقتاپ تۇرۋ ەرەجەلەرىن بۇزعانى) ءۇشىن جاۋاپكەرشىلىككە تارتىلدى. ەلەكتروندىق حاتتاما: 2022 -جىلعى 227585230000887»، - دەپ حابارلادى الماتى قالاسى پ د باستىعىنىڭ ورىنباسارى.
ياندەكس Go-دا وقيعاعا قاتىستى پىكىر ءبىلدىردى.
«وسى وقيعادان كەيىن جۇرگىزۋشى بىردەن بۇعاتتالدى جانە ياندەكس Go تاپسىرىستارىن ورىنداي المايدى»، - دەدى كومپانيا وكىلدەرى.
