الماتىلىق ءورت سوندىرۋشىلەر قانشا جالاقى الادى

الماتى. قازاقپارات - الماتى قالاسىنىڭ توتەنشە جاعدايلار دەپارتامەنتىنىڭ باسقارما باسشىسى ءورت سوندىرۋشىلەردىڭ ەڭبەكاقىسى تۋرالى ايتىپ بەردى، دەپ حابارلايدى قازاقپارات ءتىلشىسى.
None
None

الماتى قالاسى توتەنشە جاعدايلار دەپارتامەنتى كادر ساياساتى باسقارماسىنىڭ باسشىسى ساۋلە شاكالوۆا ونلاين بريفينگ بارىسىندا ءورت سوندىرۋشىلەردىڭ ەڭبەكاقىسى جايىندا ايتتى.

ونىڭ ايتۋىنشا، ءورت ءسوندىرۋشىنىڭ ەڭبەكاقىسى ونىڭ ازاماتتىق قورعاۋ ورگاندارىنداعى قىزمەت وتىلىنە، سىنىپتىق بىلىكتىلىگىنە جانە شەنىنە بايلانىستى ەسەپتەلەدى.

«ماسەلەن، قازىرگى تاڭدا سەرجانت ءبىر جىلعا دەيىن ورتاشا مولشەردە 115 مىڭ تەڭگە جالاقى الادى. ال ازاماتتىق قورعاۋ ورگاندارىندا 20 جىلدان استام ەڭبەك ءوتىلى بار، سونداي-اق «ءبىرىنشى ساناتتى تالىمگەر مامان» بىلىكتىلىگى بار ءورت ءسوندىرۋشى 185 مىڭ تەڭگە كولەمىندە جالاقى الادى»، - دەدى سپيكەر.

سونداي-اق، ساۋلە شاكالوۆا 2020 -جىلدىڭ 1-قاڭتارىنان باستاپ ءورت سوندىرۋشىلەردىڭ جالاقىسى 65 پايىزعا كوتەرىلگەنىن اتاپ ءوتتى.

«2020 -جىلدىڭ 1-قاڭتارىنان باستاپ ازاماتتىق قورعاۋ ورگاندارى قىزمەتكەرلەرىنىڭ لاۋازىمدىق جالاقىسى 20-دان 65 پايىزعا دەيىن سارالاپ كوبەيتىلگەن. ياعني، 2020 -جىلدىڭ 1-قاڭتارىنان باستاپ ءورت سوندىرۋشىلەردىڭ جالاقىسى 65 پايىزعا كوتەرىلدى. 2021 -جىلى ءورت سوندىرۋشىلەردىڭ جالاقىسى %10 عا كوتەرىلسە، بيىل بۇل پايىزدىق اراقاتىناس %3 عا ءوستى»،- دەدى الماتى قالاسى توتەنشە جاعدايلار دەپارتامەنتى كادر ساياساتى باسقارماسىنىڭ باسشىسى ساۋلە شاكالوۆا.

اۆتور: دۋمان ارعىنگەلدى

سوڭعى جاڭالىقتار