قىتاي عالىمدارى: كارانتيندى توقتاتۋ ەكى ميلليون ادامنىڭ ولىمىنە سەبەپ بولادى
ەگەر بۇل قورقىنىشتى مالىمدەمە شىندىققا اينالاتىن بولسا، جىل سايىن 230 ميلليوننان استام ۆيرۋس جۇقتىرىلاتىن بولادى. ناتيجەسىندە ادام شىعىنى كوپ بولماق.
ۆيرۋستىڭ الدىن الۋدىڭ بىردەن ءبىر جولى قازىرگى ۆاكسينالارعا قاراعاندا، كۇشتىرەك ءونىم شىعارۋ. ازىرگە قىتاي كوپتەگەن ەلدەرگە قاراعاندا قاتاڭ سانيتارلىق شەكتەۋلەردەن باس تارتۋعا دايىن ەمەس. ق ح ر «covid-كە نولدىك توزىمدىلىك» دەپ اتالاتىن جالعىز ءىرى ەكونوميكالىق ەل. بەيجىڭدە وليمپيادا ويىندارىنىڭ وتۋىنە بايلانىستى قازىر بۇل ەلدە قاتاڭ سانيتارلىق تالاپتار باستى نازاردا.
قىتاي عالىمدارىنىڭ بۇل بولجامىن الەمدىك ساراپشىلار «تىم پەسسيميستتىك» دەپ باعالادى. اۆستراليادان كەلگەن پروفەسسور دجايا دانتاستىڭ ايتۋىنشا ق ح ر زەرتتەۋشىلەرى ۇكىمەتتىڭ قاتاڭ كارانتيندىك ساياساتىن نەگىزدەۋ ءۇشىن دەرەكتەردى ادەيى جالعان بەرگەن.
