قوسشى قالاسىنىڭ سوتى قۇرىلىپ، سۋديالارى تاعايىندالدى

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ اقمولا وبلىسىنىڭ قوسشى قالاسىنىڭ سوت ورگانىن قۇرۋ تۋرالى جارلىققا قول قويدى، دەپ حابارلايدى قازاقپارات ءتىلشىسى. «اقمولا وبلىسى قوسشى قالاسىنىڭ سوتى قۇرىلسىن»، - دەپ جازىلعان جارلىقتا.

وسى قۇجاتتا قوسشى سوتىنىڭ سۋديالارى بولىپ كىم تاعايىندالاتىنى دا جازىلعان. «مەرزادينوۆا دينارا وسى وبلىستىڭ سەلينوگراد اۋداندىق سوتىنىڭ سۋدياسى قىزمەتىنەن بوساتىلا وتىرىپ؛ حالمۋرزايەۆ مۇرات وسى وبلىستىڭ بۇلاندى اۋداندىق سوتىنىڭ سۋدياسى قىزمەتىنەن بوساتىلا وتىرىپ قوسشى سوتىنىڭ سۋديالارى بولىپ تاعايىندالدى»، - دەپ جازىلعان جارلىقتا.

بۇعان دەيىن قوسشى قالاسىندا مەملەكەتتىك كىرىستەر باسقارماسى قۇرىلعانىن جازعان بولاتىنبىز.

اۆتور: ەسىمجان ناقتىباي