بەيجىڭ وليمپياداسىندا كادەسىيلار تاۋسىلىپ قالدى

نۇر- سۇلتان - قازاقپارات - بەيجىڭ وليمپياداسىنىڭ نىشاندارى بەلگىلەگەن كادەسىيلار دۇكەندەردە تاۋسىلىپ قالعان، دەپ حابارلايدى قازاقپارات قىتايلىق اقپارات كوزىنە سىلتەمە جاساپ.

«وسىعان وراي 8-اقپاندا شىعىس قىتايدىڭ جاڭسۋ پروۆينتسياسىنداعى جيدۋن قالاسىنداعى ليتسەنزياسى بار زاۋىتتا جۇمىسشىلار Bing Dwen Dwen تاۋارلارىن ءوندىرۋدى جەدەلدەتتى» دەلىنگەن حابارلامادا.

بەيجىڭدەگى 2022 -جىلعى قىسقى وليمپيادا ويىندارىنىڭ بويتۇمارى بينگ دۆەن دۆەن ميلليونداعان جانكۇيەرلەردىڭ جۇرەگىن جاۋلاپ، ۇلكەن سۇرانىسقا يە بولعان. ارينە، بەيجىڭ وليمپياداسىنا بارعان ءاربىر ازامات وزىنە وليمپيادا بەلگىسى بار ەستەلىك بۇيىم ساتىپ الاتىنى انىق. بۇگىنگى تاڭدا كادەسىي الۋعا جەرگىلىكتى تۇرعىندار دا جاپپاي كىرىسىپ كەتكەن. سول سەبەپتى دۇكەندەردىڭ الدىندا ۇزىن- سونار كەزەكتەر پايدا بولعان.

بەيجىڭدەگى قىسقى وليمپيادا ويىندارىنىڭ ۇيىمداستىرۋشىلارى سەيسەنبىدە Bing Dwen Dwen قۋىرشاعىنىڭ قىتايلىق جاڭا جىلدىق ارنايى نۇسقاسى جاقىن ارادا نارىققا شىعادى جانە ليتسەنزيالانعان تاۋارلاردىڭ ساتىلىمى كەم دەگەندە ماۋسىم ايىنىڭ سوڭىنا دەيىن جالعاسادى دەپ مالىمدەدى.