پرەزيدەنتتى بالاعاتتاعان بلوگەر سوتتالدى

نۇر-سۇلتان.قازاقپارات - وزبەكستاندا ەلدىڭ قازىرگى جانە بۇرىنعى پرەزيدەنتتەرىن بالاعاتتاعان بلوگەر 3 جىلعا سوتتالدى.

حورەزم وبلىسىنىڭ 31 جاستاعى تۇرعىنى تەلەگرامم جەلىسىندە بيلىك وكىلدەرىنىڭ ار- وجدانىنا نۇقسان كەلتىردى دەپ ايىپتالدى. سوت الدىندا حورەزمدىكتىڭ قىلمىس كەزىندە ماس كۇيىندە بولعانى دالەلدەندى. ەلدىڭ زاڭى بويىنشا مۇنداي ارەكەتتەر ءۇشىن قىلمىستىق كودەكستىڭ 158-بابى بويىنشا 5 جىلعا دەيىن باس بوستاندىعىنان ايىرۋ جازاسى كەسىلەدى.

ەسكە سالايىق، كورشى ەلدە كەيىنگى 1 ايدا وسىمەن 3 بلوگەر سوتتالىپ وتىر. قاڭتاردا مەملەكەتتىك قىزمەتشىلەر مەن ءدىني قايراتكەرلەردى سىناپ، بالاعاتتاعان الەۋمەتتىك جەلى قولدانۋشىسى 7 جارىم جىلعا تەمىر تورعا قامالعان ەدى. ودان بىرەر كۇن بۇرىن تاشكەنتتىكتىڭ تاعى ءبىر تۇرعىنى وسىنداي جازا ارقالادى.

www.24.kz