قاراعاندى كىتاپحاناسىندا «شىن جۇرەكتەن كىتاپ سىيلا!» اكسياسى وتۋدە
ءىس- شارا 14-اقپان - حالىقارالىق كىتاپ سىيلاۋ كۇنىنە ورايلاستىرىلدى، دەپ حابارلايدى قازاقپارات ءتىلشىسى.
ءىس- شارانى ۇيىمداستىرۋشىلاردىڭ ايتۋىنشا، اكسيانىڭ باستى يدەياسى - ادامداردى ءبىر- بىرىنە جاقسى كىتاپتار سىيلاۋعا شابىتتاندىرۋ جانە قاعاز كىتابى وزەكتى سىيلىق بولىپ قالا بەرەتىنىن جانە قۇندىلىعىن جوعالتپايتىنىن كورسەتۋ.
بالالارعا قىزمەت كورسەتۋ بولىمىندە سورەلەر جاسالادى، وندا كىشكەنتاي جانە ەرەسەك وقىرماندار وزدەرىنە ۇنايتىن كەز كەلگەن كىتاپتى جەكە كىتاپحاناسىنا الا الادى. ال 13-اقپاندا جاسوسپىرىمدەرگە قىزمەت كورسەتۋ ءبولىمىنىڭ ماماندارى كىتاپحانا حولىندا «وقىرمان! سىيلىق رەتىندە كىتاپ الىڭىز!» اتتى كورمە ۇيىمداستىرادى. مۇندا جانر مەن مازمۇنى بويىنشا ءارتۇرلى كىتاپتاردى تابۋعا بولادى. سونداي- اق، كەز كەلگەن ادام ءوز كىتاپتارىن كىتاپحاناعا سىيعا تارتا الادى.
