عالىمدار العاش رەت جاساندى جۇلىن ءوسىرىپ شىعاردى
بۇل تۋرالى Jerusalem Post جازدى.
تەل-اۆيۆ ۋنيۆەرسيتەتىنىڭ ساگول رەگەنەراتيۆتى بيوتەحنولوگيا ورتالىعىنىڭ عالىمدار توبى ادامنىڭ 3D جۇلىن تىندەرىن جاساپ، ولاردى ۇزاق مەرزىمدى سوزىلمالى سال اۋرۋى بار زەرتحانالىق مودەلگە يمپلانتاتسيالادى. سونىمەن، جۇلىننىڭ ديزاينىن جاساۋ ءۇشىن زەرتتەۋشىلەر ادام جاسۋشالارىن پايدالانىپ، ولاردى جانۋارلارعا يمپلانتاتسيالادى. ناتيجە كورسەتكەندەي، سىناقتاردىڭ 80 پايىزىندا ءجۇرۋ قابىلەتى قالپىنا كەلگەن. بۇل جۇلىن ادام ەمبريوندارىنداعى جۇلىننىڭ دامۋىن قايتالايدى.
«ءبىزدىڭ تەحنولوگيا ناۋقاستان ءىش قۋىسىنىڭ ماي ءتىنىنىڭ شاعىن بيوپسياسىن الۋعا نەگىزدەلگەن. جاسۋشالاردى جاسۋشادان تىس ماتريتسادان بولگەننەن كەيىن ءبىز ولاردى گەنەتيكالىق تۇردە قايتا باعدارلامالايمىز، ياعني ەمبريونالدىڭ جاسۋشالارىنا ۇقسايتىن كۇيگە قايتارامىز. قىسقاشا ايتقاندا، جاسۋشان قوزعالتقىش نەيروندارى بار نەيروندىق جەلىلەردىڭ ءۇش ولشەمدى يمپلانتتارىنا ترانسفورماتسيالانادى»، - دەپ ءتۇسىندىردى زەرتتەۋ جەتەكشىسى، پروفەسسور تالا دۆير.
ول عالىمداردىڭ ماقساتى ءاربىر سال اۋرۋىنا شالدىققان ادامعا جەكە جۇلىن يمپلانتتارىن جاساۋ ەكەنىن، بۇل جۇلىننىڭ زاقىمدالعان تىندەردەن باس تارتۋ قاۋپىنسىز قايتا قالپىنا كەلۋىنە مۇمكىندىك بەرۋ ەكەنىن ايتتى.
«وتە ەرتە جاستا جاراقات العان ادامدار ءومىرىنىڭ سوڭىنا دەيىن مۇگەدەكتەر ارباسىندا وتىرۋعا جانە سال اۋرۋىنا بايلانىستى الەۋمەتتىك، قارجىلىق جانە مەديتسينالىق شىعىندارعا تاپ بولادى»، - دەدى ول.
قازىر ساراپشىلار زەرتتەۋدىڭ كەلەسى كەزەڭىنە دايىندالۋدا. ەندى ولار ادامدارعا كلينيكالىق سىناقتار وتكىزۋدى جوسپارلاپ جاتىر. ولار بىرنەشە جىل ىشىندە سال اۋرۋىنا شالدىققان ادامدارعا جاساندى تىندەر قوندىرىلىپ، قايتا تۇرىپ، جۇرۋىنە مۇمكىندىك بولادى دەگەن ويدا.
وسىعان دەيىن سال اۋرۋىنا شالدىققان ادام ميى تۋدىراتىن ەلەكتر سيگنالدارىن شەشەتىن تەحنولوگيانىڭ كومەگىمەن العاش رەت ادامدارمەن سويلەسە العان بولاتىن.
massaget.kz
