قاڭتار وقيعاسى: قارۋ-جاراق دۇكەنىنىڭ كۇزەتشىسى دە مىلتىقتار ۇرلاپ كەتكەن

الماتى. قازاقپارات - الماتىدا قاڭتار وقيعالارى كەزىندە قارۋ-جاراق دۇكەنىنەن قارۋ ۇرلاعان كاسىپورىن كۇزەتشىسى ۇستالدى، دەپ حابارلايدى قازاقپارات ءتىلشىسى.

قارۋ ۇرلاعان ازامات الماتى وبلىسىنىڭ 42 جاستاعى تۋماسى، بوتەننىڭ مۇلكىن ۇرلاۋ قىلمىسى ءۇشىن بۇرىن سوتتى بولعان. ول تۇرعىلىقتى جەرى بويىنشا تۇركسىب اۋدانىندا ۇستالدى.

ءتىنتۋ جاساۋ كەزىندە مودەلى ءارتۇرلى ءيىر ويىقتى ەكى كارابين (300 م م جانە 5,6 م م كاليبرلى)، سونداي-اق تەگىس ۇڭعىلى مىلتىق (410 كاليبرلى) تابىلدى.

«تەرگەۋ بارىسىندا ۇستالعان ازامات وسى زاتتاردىڭ بارلىعىن 5- قاڭتاردا اۋدانىمىزدا ورنالاسقان قارۋ-جاراق دۇكەنىنە شابۋىل جاساۋ كەزىندە ۇرلاعانى انىقتالدى. اتالعان دەرەك بويىنشا ق ر ق ك- ءنىڭ 188-بابى 3-بولىگىنە سايكەس سوتقا دەيىنگى تەرگەۋ امالدارى باستالدى. كۇدىكتى ۋاقىتشا ۇستاۋ يزولياتورىنا قامالدى. ونىڭ باسقا دا قىلمىستارعا قاتىسى بار-جوعى تەكسەرىلۋدە»، - دەدى المالى اۋداندىق پوليتسيا باسقارماسىنىڭ باسشىسى ەسەن ىسقاقوۆ.

ەسكە سالساق، 7- اقپاننان باستاپ الماتىدا «قارۋ» جەدەل-الدىن الۋ ءىس-شاراسى وتكىزىلۋدە. وسىعان وراي، قارۋ تابىلعان نەمەسە انىقتالعان جاعدايدا ازاماتتار ونى ءوز ەركىمەن قۇقىق قورعاۋ ورگاندارىنا تاپسىرۋى قاجەت.

بۇل ولاردى قىلمىستىق جاۋاپكەرشىلىكتەن بوساتاتىنى تۋرالى ايتىلدى.