قاسىم-جومارت توقايەۆ ۆلاديمير پۋتيننىڭ شاقىرۋىمەن رەسەيگە بارادى

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ رەسەي فەدەراتسياسىنا جۇمىس ساپارىمەن بارادى.

بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي ايتتى، دەپ حابارلايدى قازاقپارات.

«10-11- اقپاندا قازاقستان پرەزيدەنتى قاسىم-جومارت توقايەۆ ۆلاديمير پۋتيننىڭ شاقىرۋىمەن رەسەي فەدەراتسياسىنا جۇمىس ساپارىمەن بارادى. 10- اقپاندا ماسكەۋدە قاسىم-جومارت توقايەۆ ۆلاديمير پۋتينمەن كەلىسسوز جۇرگىزەدى. كەزدەسۋ بارىسىندا مەملەكەتتەر باسشىلارى قازاقستان مەن رەسەي اراسىنداعى كوپجاقتى ستراتەگيالىق سەرىكتەستىكتىڭ دامۋ پەرسپەكتيۆالارىن قاراستىرادى. 11- اقپان كۇنى مەملەكەت باسشىسى قازان قالاسىندا تاتارستان پرەزيدەنتى رۋستام ميننيحانوۆپەن كەزدەسەدى جانە رەسپۋبليكاداعى ءبىرقاتار ءىرى ونەركاسىپتىك كاسىپورىنداردى ارالاپ كورەدى»، - دەپ جازدى ب. ءۋالي Facebook-تە.