الماتىدا اكىمشىلىك عيماراتتارعا شابۋىل جاسادى دەگەن كۇدىكپەن ءبىر توپ ادام ۇستالدى

نۇر- سۇلتان. قازاقپارات - الماتى قالاسىنداعى مەملەكەتتىك ورگانداردىڭ عيماراتتارىنا شابۋىل جاسادى دەگەن كۇدىكپەن ءبىر توپ ادام ۇستالدى.

بۇل تۋرالى ق ر ۇلتتىق قاۋىپسىزدىك كوميتەتىنەن ءمالىم ەتتى، دەپ حابارلايدى قازاقپارات.

«ق ر ۇلتتىق قاۋىپسىزدىك كوميتەتى 2022 -جىلعى 7- اقپاندا الماتى قالاسىندا جۇرگىزگەن جەدەل- ىزدەستىرۋ شارالارى ناتيجەسىندە مەملەكەتتىك ورگانداردىڭ اكىمشىلىك عيماراتتارىنا شابۋىل جاسادى دەگەن كۇدىكپەن ءبىر توپ ادامدى ۇستادى. ءتىنتۋ بارىسىندا ولاردان كالاشنيكوۆ اۆتوماتى، ونىڭ 158 پاترونى، تانكىگە قارسى قول گراناتااتقىشىنا 1 اتۋ جانە 3 سنارياد، 2 گراناتا، كەلتە اڭشى مىلتىعى جانە ەلەكتروشوكەر تابىلىپ، تاركىلەندى. ۇستالعانداردىڭ ءبىرى بۇرىن ادام ولتىرگەنى، قاراقشىلىق جانە ۇرلىق جاساعانى ءۇشىن سوتتالعان. تەرگەۋ جانە جەدەل ءىس- شارالار جالعاسۋدا»، - دەدى ق ر ۇ ق ك باسپا ءسوز قىزمەتىنەن.