توقايەۆ ەركىن ەكونوميكالىق ايماقتاردىڭ تيىمسىزدىگىن سىنعا الدى

نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ ۇكىمەتتىڭ كەڭەيتىلگەن وتىرىسىندا ەركىن ەكونوميكالىق ايماقتاردىڭ تيىمسىزدىگىن سىنعا الدى، دەپ حابارلايدى قازاقپارات ءتىلشىسى.

«ەكونوميكانىڭ وركەندەتۋ ءۇشىن قوسىمشا قاراجات قاراستىرۋ كەرەك. مەن بيۋدجەتتىڭ كىرىس بولىگىن ارتتىرۋ ماقساتىندا ءبىرقاتار مىندەت جۇكتەدىم. ەڭ الدىمەن بيۋدجەتتەگى ءتيىمسىز ءارى شىعىنى كوپ جوبالاردى انىقتاپ، ودان تۇبەگەيلى باس تارتۋ قاجەت. ەركىن ەكونوميكالىق ايماقتاردىڭ كوپشىلىگى ينۆەستيتسيا اكەلۋ ىسىندە ءتيىمدى بولا المادى دەپ بىرنەشە رەت ايتقانمىن. ال ولارعا شامامەن جارتى تريلليون تەڭگەدەي بولاتىن اۋقىمدى سالىقتىق ىنتالاندىرۋ شارالارى بەرىلدى»، - دەگەن پرەزيدەنت سول قولداۋلاردىڭ قايتارىمى بولماعانىن سىنادى.

«ناتيجەسىندە نە الدىق؟ كەيىنگى ءۇش جىلدا اتالعان ەركىن ەكونوميكالىق ايماقتاردا وندىرىلگەن تاۋارلاردىڭ كولەمى جالپى ىشكى ءونىمنىڭ 1,5 پايىزىنان دا اسپايدى. ال ولاردىڭ ەكسپورتتىق ۇلەسى تىپتەن جالپى ەل ەكسپورتىنىڭ 0,1 پايىزىنا عانا تەڭ. وسى ماسەلەنى رەتتەيتىن كەز كەلدى. جاڭادان تاعايىندالعان يندۋستريا ءمينيسترى بۇل تۇيتكىلدىڭ شەشىمىن تابادى دەپ ويلايمىن. ەركىن ەكونوميكالىق وداقتاردىڭ باسشىلىعى پايدالى ءارى ءتيىمدى جوبالاردى جۇزەگە اسىرۋعا قۇلىقتى ەمەس. ولاردىڭ اكىمشىلىكتەرىن تارتىپكە شاقىرىڭىزدار. ۇكىمەتكە ءبىر اي ۋاقىت بەرەمىن. زاڭعا وزگەرىس ەنگىزۋدەن باستاپ قاجەتتى شارانىڭ ءبارىن قابىلداڭىزدار. ىشتەن جانە سىرتتان ينۆەستور تارتىڭىزدار»، - دەدى قاسىم- جومارت توقايەۆ.

2021 -جىلى ۇلتتىق قور كىرىستىلىگى 4,2 پايىزدى قۇرادى.

«2021 -جىلى 2,7 تريلليون تەڭگە ءتۇسىم جانە 4,5 تريلليون تەڭگە ترانسفەرتتەردىڭ بولىنۋىنە بايلانىستى ۇلتتىق قوردىڭ اكتيۆتەرى 55,3 ميلليارد دوللارعا دەيىن تومەندەدى. نارىقتاردىڭ قۇبىلمالىلىعىنا قاراماستان، ۇلتتىق قور كىرىستىلىگى 4,2 پايىز نەمەسە 2,3 ميلليارد دوللار كولەمىندە قامتاماسىز ەتىلدى. 2022 -جىلى اكتيۆتەردىڭ تەڭگەرىمدى اللوكاتسياعا ءوتۋى اياقتالادى جانە اكسيالار نارىعىنىڭ تومەندەۋ اسەرىن بارىنشا ازايتۋ ءۇشىن قورعاۋ جانە بالانسقا كەلتىرۋ ستراتەگيالارى ەنگىزىلەدى»، - دەدى عالىمجان ءپىرماتوۆ.

ونىڭ ايتۋىنشا، 2021 -جىلى مەملەكەتتىك بورىشتى، ۆاليۋتالىق ينتەرۆەنتسيالاردى جانە ۇكىمەتتىڭ شوتتارى بويىنشا باسقا دا وپەراتسيالاردى تولەۋ ءۇشىن ەركىن كونۆەرتاتسيالاناتىن ۆاليۋتاداعى اكتيۆتەردىڭ قىسقارۋىنا بايلانىستى التىن- ۆاليۋتا رەزەرۆتەرى 34,4 ميلليارد دوللارعا دەيىن 1,3 ميلليارد دوللارعا تومەندەدى.

«2021 -جىلدىڭ قورىتىندىسى بويىنشا جالپى حالىقارالىق رەزەرۆتەر 89,7 ميلليارد دوللاردى قۇرادى»، - دەدى ۇ ب ءتوراعاسى.

اۆتور: ەسىمجان ناقتىباي