پرەزيدەنت شەتەلگە زاڭسىز شىعارىلعان قارجىنى قايتارۋ جونىندە تاپسىرما بەردى

نۇر-سۇلتان. قازاقپارات - ۇكىمەت الداعى ەكى ايدىڭ ىشىندە قازاقستاننان شەتەلگە زاڭسىز شىعارىلعان قارجىنى قايتارۋ جونىندە ۇسىنىس ازىرلەۋى كەرەك.

ق ر پرەزيدەنتى قاسىم-جومارت توقايەۆ ۇكىمەتكە وسىنداي تاپسىرما بەردى، دەپ حابارلايدى قازاقپارات ءتىلشىسى.

پرەزيدەنت قوعام بولىپ تابىستى ءادىل ءبولىسۋ ماسەلەسىندە ىمىرالى پايىم قالىپتاستىرۋ ماڭىزدى ەكەنىن ايتتى.

«بۇل - بيلىك پەن قوعامنىڭ الەۋمەتتىك- ەكونوميكالىق اسپەكتىلەردى، مەملەكەتتىك ساياسات، ۇلتتىق بىرەگەيلىك، جاستاردى تاربيەلەۋ سياقتى ماسەلەلەردى قوزعايتىن ورتاق مىندەتى»، - دەدى قاسىم-جومارت توقايەۆ.

سونىمەن بىرگە، ول شەتەلگە زاڭسىز شىعارىلعان قاراجاتتى ەلگە قايتارۋ ماسەلەسىنە توقتالدى. «ۇكىمەتكە ەكى اي مەرزىم ىشىندە شەتەلگە زاڭسىز اكەتىلگەن قارجى مەن وندا ساتىپ الىنعان اكتيۆتەردى ەلگە قايتارۋ جونىندە ۇسىنىستار بەرۋ مىندەتى جۇكتەلەدى»، - دەدى مەملەكەت باسشىسى.

اۆتور: ەسىمجان ناقتىباي