ەلورداداعى ساۋدا ۇيلەرىنىڭ بىرىنە ۇرى ءتۇستى

پوليتسەيلەر كۇدىكتىنىڭ ساۋدا ورنىنداعى جابىق تۇرعان دۇكەندەردىڭ ءبىرىنىڭ ەسىگىن بۇزىپ كىرگەندىگىن انىقتادى. ول باعاسى 90 مىڭ تەڭگە تۇراتىن كومپيۋتەردى الا شىققان. بەينەباقىلاۋ كامەراسى ارقىلى انىقتالعان ايىپتالۋشى كىناسىن مويىندادى. ۇرلانعان نوۋتبۋك تاركىلەندى.

بىرەۋدىڭ سومكەسىنەن اقشا ۇرلاعان

شىمكەنتتە كيىم- كەشەك دۇكەنى يەسىنىڭ سومكەسىنەن اقشا ۇرلاعان ايەل ۇستالدى. جابىرلەنۋشىنىڭ ايتۋىنشا، ساۋدا ورنىنا ساتىپ الۋشىلاردىڭ ءبىرى بوپ كىرگەن كۇدىكتى ۇزاق ۋاقىت تاۋار تاڭداعانداي كەيىپ تانىتقان. دۇكەن يەسىنىڭ باسقالارمەن تىلدەسىپ تۇرعان ءساتىن پايدالانىپ، سومكەسىندەگى 200 مىڭ تەڭگەنى جىمقىرىپ كەتكەن.

بۇل دەرەككە قاتىستى قىلمىستىق كودەكستىڭ «ۇرلىق» بابى بويىنشا ءىس قوزعالدى. بەينەباقىلاۋ جۇيەسىنىڭ كومەگىمەن كۇدىكتى انىقتالدى. ول شىمكەنت قالاسىنىڭ 21 جاستاعى تۇرعىنى.

بىرەۋدىڭ مالىن تالان- تاراج قىلعان

الماتى وبلىسىندا الدىنداعى مالدى ىسىراپ ەتىپ، يەسىنەن زاڭسىز جالاقى الىپ كەلگەن قويشى ۇستالدى. جابىرلەنۋشىلەر وعان 64 باس ۇساق جاندىق پەن 12 باس جىلقىنى سەنىپ تاپسىرعان ەكەن. ەڭبەك اقىسىن دا دەر كەزىندە تولەپ وتىرعان.

پوليتسەيلەردىڭ قولىنا تۇسكەن 33 جاستاعى كۇدىكتىنىڭ مالدى جوق قىلعانى بەلگىلى بولدى. سونداي- اق قولىندا بىردە- ءبىر باس مالدىڭ جوقتىعىنا قاراماستان، جاندىق ساتامىن دەپ اۋىلداستارىنان اقشا جيىپ ۇلگەرىپتى. ناتيجەسىندە 1 ميلليون 365 مىڭ تەڭگە شىعىن كەلدى.

كۇدىكتى ءوزىنىڭ كىناسىن تولىق مويىندادى. قازىر باسقا دا زارداپ شەككەن ادامداردى انىقتاۋ ءۇشىن تەكسەرۋ جۇرگىزىلۋدە.

www.24.kz