عىلىم مەن فانتاستيكا: بولاشاقتىڭ بەس اسكەري تەحنولوگياسى

ءيا، كوپتەگەن ۇلى ونەرتابىستار مەن عىلىمي-تەحنيكالىق جەتىستىكتەر ءومىردى جاقسارتۋ ماقساتىندا تۋماعان.

كوبىنەسە ولار باستاپقىدا تازا اسكەري ماقساتتاردا ويلاپ تابىلادى. كوسموناۆتيكا، ينتەرنەت، سپۋتنيكتى ناۆيگاتسيا، ميكروتولقىندى پەشتەر، ءتىپتى كولىك تەرەزەلەرىنە ارنالعان انتيفريز - مۇنىڭ ءبارىن ارميا تۋدىردى.

بۇگىن ءبىز hi-news جازعان بولاشاق تەحنولوگيالارىن ۇسىنامىز.

1. كۆانتتى كامۋفلياج

ەرتەگىدەگى كيگەندە ادام كورىنبەي قالاتىن قالپاق ەسىڭىزدە بولار؟ بۇل تۋرالى ءبارىمىز بالا كەزدە ارماندادىق. سيقىرلى قالپاق جاقىن ارادا شىندىققا اينالۋى مۇمكىن سياقتى. ارينە ادامدى كورىنبەيتىن ەتەتىن قۇرال ەرتەگىدەگى قالپاق تا ەمەس، سيقىر دا ەمەس، فيزيكانىڭ ناقتى زاڭدارى ارقىلى جاسالادى. وزدەرىڭىز بىلەتىندەي، ءبىز زاتقا قاراعان كەزدە ودان شاعىلعان جارىقتى كورەمىز. وسى جارىق ساۋلەلەرىن باسقارا وتىرىپ، شىنىمەن كەرەمەت دۇنيەلەر تۋدىرۋعا بولادى.

كۆانتتى كامۋفلياج ادامدى كورىنبەيتىن ەتىپ جاساي الادى

Quantum Stealth ءپرينتسيپى، ياعني «كورىنبەيتىن كيىم» بەتىندە جارىق ساۋلەلەرىن سىندىراتىن ارنايى لينزالار بار. بۇل لينزا جارىقتى ءتۇزۋ وتكىزبەي ءارتۇرلى بۇرىشقا شاشىراتادى، وسىلايشا جارىق وتپەيتىن ءولى نۇكتە پايدا بولادى. ەگەر ادام وسىنداي ءولى ورتالىقتا بولسا، اينالاعا كورىنبەي قالادى. كۆانتتى قۇرالدى كامۋفلياج كيىمىن شىعاراتىن كانادالىق كومپانيا ازىرلەپ جاتىر.

2. سينتەتيكالىق ورگانيزم

ا ق ش قورعانىس مينيسترلىگىنىڭ جەتىلدىرىلگەن زەرتتەۋ جوبالارى اگەنتتىگى (DARPA) قىزىقتى جانە ناعىز فانتاستيكالىق بيوديزاين جوباسىمەن اينالىسادى. بۇل ارقىلى عالىمدار ولمەس گەنى بار سينتەتيكالىق ورگانيزمدەردى جاساعىسى كەلەدى. ولاردى باسقاراتىن ادام مۇنداي ورگانيزمدەردى ءوز قالاۋىمەن عانا ولتىرە الادى.

بۇل جاراتىلىستار تىنىس الادى دەپ جوسپارلانعان، سونىمەن قاتار ولار كەيبىر بيولوگيالىق قاسيەتتەرگە يە بولادى. ولاردىڭ قانداي فۋنكتسيالاردى ورىنداي الاتىنى ءالى بەلگىسىز. بولجام بويىنشا، ولمەيتىن ورگانيزم مايدانداعى جاۋىنگەرلەر ورنىن باسۋى مۇمكىن. ءبىر قاراعاندا، بۇل مۇلدەم فانتاستيكالىق بولىپ كورىنەتىن Biodesign جوباسىنا ا ق ش ۇكىمەتى ميلليونداعان دوللار جۇمساپ جاتىر.

3. پلازما كۇشىنىڭ ءورىسى

Boeing كومپانياسى «ەلەكتروماگنيتتىك دوعانىڭ كومەگىمەن سوققى تولقىندارىن السىرەتۋ ءادىسى مەن جۇيەسى» دەپ اتالاتىن تەحنولوگيانى پاتەنتتەدى. داتچيكتىڭ كومەگىمەن ارنايى جۇيە جارىلىس فاكتىسىن تۇسىرەدى، سودان كەيىن ول ميكروتولقىندى پەشتەردى، ەلەكتر قۋاتىن جانە لازەردى پايدالانىپ قاۋىپ جاعىنان پلازمالىق قالقاندى قامتاماسىز ەتەدى.

پلازمالىق كۇش ءورىسى سناريادتاردىڭ كۇشىن ازايتادى

الىنعان پلازما ءورىسى باسقا كەڭىستىكتەردەن تىعىزدىعى، قۇرامى جانە تەمپەراتۋراسى بويىنشا ەرەكشەلەنەدى. بۇل سناريادتاردىڭ جارىلۋىنان بولاتىن سوققى تولقىنىن تومەندەتۋگە مۇمكىندىك بەرەدى. دەگەنمەن، تەحنولوگيا ءدال قازىر سناريادتار مەن سناريادتاردان بولاتىن تولقىن كۇشىنەن قورعاي المايدى. ءبىراق، پلازما «قاۋىپسىزدىك جاستىعى» بومبانىڭ كۇشىن ايتارلىقتاي تومەندەتەدى.

4. تىڭشى جاندىكتەر

جاندىكتەردىڭ كولەمىندەي كىشكەنتاي دروندار، سوعىس تەحنيكالارى بۇرىننان بار. مۇنداي مەحانيكالىق اپپاراتتاردى جوياتىن دا قۇرالدار بار ەكەنى بەلگىلى. قازىر ولار سوعىس تەحنالوگياسى رەتىندە جاڭالىق بولماي قالدى. ءبىراق DARPA جاندىكتەردى باسقارۋ تۋرالى جوباعا كىرىسكەن.

مۇنداي تەحنولوگيا MEMS دەپ اتالادى. جوبا اۆتورلارى ءوز تەحنولوگياسىن جاندىكتەر دامىماي جاتىپ ءتىپتى قۇرت كەزىندە ولاردىڭ اعزاسىنا ورناتادى. يمپلانتاتسيالان جاندىكتەر ءوسىپ، جەتىلگەننەن كەيىن ولاردى بارلاۋ نەمەسە جاۋىنگەرلىك تاپسىرمالاردى ورىنداۋعا قولدانادى. سوندىقتان جاۋىنگەر قوڭىز، شىبىن جانە قۇرت-قۇمىرسقامەن كۇرەسۋ جاقىن ارادا شىندىققا اينالۋى مۇمكىن.

5. جاساندى نايزاعاي

يدەيا بويىنشا قۋاتتى وندىرىلگەن ەلەكتر زاريادتارىن بەرىلگەن نۇكتەگە باعىتتاۋ ارقىلى بۇل تەحنيكانى جاساۋعا بولادى. ونىڭ كۇشى تابيعي نايزاعايدان كەم تۇسپەيدى. پرينتسيپ ەلەكترلى پوتەنتسيالدار ايىرماشىلىعىنا بايلانىستى ءدالىز دەپ اتالاتىن قۇرالعا نەگىزدەلگەن. ياعني، ەلەكتر رازريادى قورشاعان ورتاعا قاراعاندا از قارسىلىقپەن ءدالىز ارقىلى وتەدى. مۇنداي ارنانى جاساۋ ءۇشىن لازەردى قولدانۋعا بولادى.

كەيبىر دالەلدەرگە سۇيەنسەك، اتاقتى عالىم جانە ونەرتاپقىش نيكولا تەسلا وتكەن عاسىردىڭ باسىندا جاساندى نايزاعاي تۋعىزىپ، باسقارا العان. ءبىراق راستايتىن قۇجاتتار ساقتالماعاندىقتان، مۇنىڭ قانشالىقتى راس ەكەنىن ايتۋ قيىن.

سوڭىندا ايتارىمىز، بولاشقتىڭ اسكەري تەحنولوگيالار سانالاتىن بۇل تەحنولوگيانىڭ قانشالىقتى قۇدىرەتتى بولاتىنىن تاپ باسۋ ايتۋ مۇمكىن ەمەس، ويتكەنى ولار قاتاڭ قۇپيادا ساقتالادى.

massaget.kz