الماتىدا ەكى وق-ءدارى قويماسى تابىلدى
الماتى قالالىق پوليتسيا دەپارتامەنتىنىڭ مالىمەتىنشە، مەدەۋ اۋدانىنا قاراستى نۇسىپبەكوۆ كوشەسىندەگى ۇيلەردىڭ ءبىرىنىڭ اۋلاسىنان كالاشنيكوۆ اۆتوماتىنىڭ 5,45 كاليبرلى 20 پاترونى تابىلدى.
«ەكىنشى قويما الاتاۋ اۋدانىنان تابىلدى. قۇلاعان اعاشتىڭ تامىرىنا «ماكاروۆ» تاپانشاسىنىڭ 40 پاتروندارى سالىنعان پوليەتيلەن پاكەتى جاسىرىلعان. تابىلعان وق-دارىلەر وسى جىلدىڭ قاڭتار ايىنىڭ باسىندا الماتىدا بولعان جاپپاي تارتىپسىزدىكتەر كەزىندە قىلمىستىق جولمەن الىنعان بولۋى مۇمكىن. ەكى دەرەك تە ق ر ق ك- ءنىڭ 287-بابى بويىنشا اۋماقتىق پوليتسيا باسقارمالارىندا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى»، - دەدى الماتى قالالىق پ د ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
پوليتسيا وكىلىنىڭ ايتۋىنشا، تابىلعان وق-دارىلەر تاركىلەنىپ، قىلمىستىق ءىس ماتەريالدارىنا تىركەلدى.
وق-دارىلەردى جاسىرعان ادامداردى انىقتاۋ جۇمىستارى جۇرگىزىلىپ جاتىر.
