قازاقستاندىق بوكسشىلاردىڭ الەمدىك رەيتينگىدەگى ورنى بەلگىلى بولدى

نۇر-سۇلتان. قازاقپارات - BoxRec رەيتينگىنىڭ ۇزدىك وندىعىنا ورتا سالماقتاعى ءتورت قازاقستاندىق بوكسشى كىردى، دەپ حابارلايدى قازاقپارات Sports.kz سايتىنا سىلتەمە جاساپ.

ولاردىڭ ىشىندە ۇزدىگى - جانىبەك ءالىمحان ۇلى (11-0، 7 ك و)، ول 9-ورىنعا جايعاسقان.

ودان كەيىن قانات يسلام (28-0، 22 ك و) - 13-ورىندا، مەيىرىم نۇرسۇلتانوۆ (16-0، 9 ك و) - 14-ورىندا.

جاقىندا BoxRec رەيتينگىنە گەننادي گولوۆكين (41-1-1، 36 كو) ورالۋى تيىستىگىن ەسكە سالايىق: ونىڭ كەلەسى ايقاسىنىڭ داتاسى انىقتالعاننان كەيىن IBF جانە IBO چەمپيونى الەمنىڭ ورتا سالماقتاعى ۇزدىك بوكسشىسى رەتىندە ءبىرىنشى ورىنعا قايتا جايعاساتىن بولادى.

ازىرگە بوكسشى «بەلسەندى ەمەس» دەگەن ستاتۋسپەن بەلگىلەنگەن. گولوۆكيننىڭ ورنىنا قازىرگى كەزدە BoxRec رەيتينگىنىڭ ورتا سالماقتاعى ۇزدىگى بولىپ بريتاندىق كىشى كريس يۋبەنك (32-2، 23 ك و) تانىلعان.

الايدا قازىرگى كەزدە ونىڭ ەشقانداي بەلدىگى جوق.