رەجەپ تايىپ ەردوعان كەلەسى جىلى وتەتىن پرەزيدەنت سايلاۋىنا قاتىسادى
ول رەجەپ تايىپ ەردوعاننىڭ 2023 -جىلعى ماۋسىمدا وتەتىن سايلاۋدا حالىق اليانسى اتىنان باق سىنايتىنىن راستادى.
«ءبىزدىڭ پرەزيدەنتتىككە ۇمىتكەرىمىز بەلگىلى، ول - رەجەپ تايىپ ەردوعان مىرزا. 2023 -جىلى ماۋسىمدا وتەتىن سايلاۋدا ەردوعان مىرزانىڭ ۇلكەن باسىمدىقپەن العا شىعاتىنىنا جانە حالىقتىق اليانستىڭ تاعى ءبىر جەڭىسكە جەتەتىنىنە سەنىمدىمىن»، - دەدى ديەۆلەت باحچەلي.
باحچەلي كەي ورتادا قازىرگى پرەزيدەنت ەردوعاننىڭ بۇدان بىلاي سايلاۋعا تۇسپەيتىنى جايلى ءتۇرلى الىپ- قاشپا اڭگىمە تاراعانىن ءسوز ەتىپ، بۇل مالىمدەمەنىڭ زاڭدى جانە كونستيتۋتسيالىق نەگىزى جوق ەكەنىن، وبەكتيۆتى شىندىققا ساي ەمەستىگىن اتاپ ءوتتى.
اۆتور: زارينا تۋعانبايەۆا
