جەلىدە قاڭتار وقيعاسى كەزىندە ديكي ارماندى ۇستاعان ۆيدەو پايدا بولدى
نۇر-سۇلتان. قازاقپارات - الەۋمەتتىك جەلىدە كريمينالدىق اۆتوريتەت ديكي ارماننىڭ الماتىداعى قاڭتار وقيعاسى كەزىندە ۇستالعان ۆيدەوسى پايدا بولدى، دەپ حابارلايدى قازاقپارات.
ارنايى وپەراتسيا الماتىداعى قوناقۇيلەردىڭ بىرىندە ءوتتى. ءتىنتۋ كەزىندە ودان قارۋ-جاراق تابىلدى.
ەسكە سالايىق، 7-قاڭتاردا الماتىدا پوليتسەيلەر ديكي ارمان دەگەن لاقاپ اتپەن تانىلعان ارمان جۇماگەلديەۆتىڭ ۇستالعانى حابارلاندى. كەيىنىرەك ءى ءى م كريمينالدىق اۆتوريتەتتىڭ ۇستالعانى جايلى تولىق مالىمەت بەردى. الماتىداعى ارنايى وپەراتسيالار ناتيجەسىندە ديكي ارمان كوش باستاعان ۇيىمداسقان قىلمىستىق توپتىڭ التى مۇشەسى ۇستالدى.
ءى ءى م مالىمەتىنشە، قىلمىسكەرلەر ۇستاۋ كەزىندە قارسىلىق تانىتقان. ۇستالعان كەزدە كۇدىكتىلەردەن ءتۇرلى ماركالى جانە كاليبرلى ءتورت جارتىلاي اۆتوماتتى تاپانشا، ولاردىڭ وق- دارىلەرى، سۋىق قارۋ مەن بروندالعان اۆتوكولىك تاركىلەندى.
اۆتور: اقبوپە ءابدراسۋل
