ەرمەك نارىمبايەۆتىڭ قاماۋعا الىنۋى تۋرالى زاڭگەر پىكىر ءبىلدىردى
نۇر-سۇلتان. قازاقپارات - بەلگىلى زاڭگەر، ۇلتتىق قوعامدىق سەنىم كەڭەسىنىڭ مۇشەسى مارات ءباشىموۆ Facebook-تەگى پاراقشاسىندا ەرمەك نارىمبايەۆتىڭ الماتى اۋەجايىندا ۇستالۋىنا بايلانىستى پىكىر ءبىلدىردى، دەپ حابارلايدى قازاقپارات ءتىلشىسى.
«كەيبىر اقپاراتتىق پورتالدار تاڭنان بەرى الماتى اۋەجايىندا ەرمەك نارىمبايەۆتىڭ ۇستالۋى تۋرالى پىكىرىمدى سۇراپ جاتىر. مەن ول ادامدى تانىمايمىن. ءبىراق زاڭگەرلەردىڭ مۇنداي جاعداي تۋرالى كەز كەلگەن مەملەكەتتىڭ ءوز ادىلەت جانە قۇقىقتىق جۇيەسىن قۇرۋعا ەگەمەندى قۇقىعى بار ەكەنىن العا تارتاتىنىن ايتتىم»، - دەگەن زاڭگەر ەرمەك نارىمبايەۆتىڭ قاماۋعا الىنۋ سەبەبى تۋرالى پايىمىن ايتادى.
«ينتەرنەتتەن ونىڭ ەلىمىزدە سوتتالعانىن وقىپ ءبىلدىم. ۇكىم بويىنشا وعان تۇرعىلىقتى مەكەنجايىنان تىسقارى شىعۋعا تىيىم سالىنعان ەكەن. ال ول 2016 -جىلدىڭ شىلدەسىندە قازاقستاننان قاشىپ شىققان. كەيىن اپپەلياتسيا ۇكىمدى وزگەرتىپ، جالپى رەجيمدەگى كولونيادا ءۇش جىل باس بوستاندىعىنان ايىرعان. ياعني، تاعايىندالعان جازا وتەلمەگەن. ال بۇل اقپارات شەكاراشىلاردىڭ بازاسىندا تۇر دەگەن ءسوز. وسى سەبەپتى دە ونى ۇستاپ اكەتكەن. ءارى قاراي نە بولاتىنىن مەن بىلمەيمىن. مۇنداي جاعدايدا پروتسەسسۋالدىق نورمالاردى جەتىك بىلەتىن، قىلمىستىق قۇقىق بويىنشا ماماندانعان ادۆوكات كەرەك ەكەنىن عانا بىلەمىن»، - دەپ جازدى مارات ءباشىموۆ.
اۆتور: ەسىمجان ناقتىباي
