ەكاتەرينا ايدوۆا: ءبىزدىڭ وبرازىمىز ءبارىنىڭ جۇرەگىن جاۋلادى - فوتو
«قادىرلى قازاقستاندىقتار! بارشاڭىزدى كوپتەن كۇتكەن ماڭىزدى وقيعا - بەيجىڭدەگى وليمپيادا ويىندارىنىڭ اشىلۋىمەن شىن جۇرەكتەن قۇتتىقتايمىن! اشىلۋ سالتاناتىنا مەملەكەت باسشىسىنىڭ كەلگەنى دە ءبىز ءۇشىن قۋانىشتى ءارى تولقىنىستى ءسات. قازاقستان كومانداسىنىڭ تۋ ۇستاۋشىلارى ءۇشىن ۇلكەن ابىروي.
اشىلۋ سالتاناتىندا باستان وتكەرگەن سەزىمدەرىمدى سوزبەن جەتكىزۋ قيىن. مۇندا قوبالجۋ دا، ماقتانىش تا، تاڭدانىس تا بار. وليمپياداشى بولۋدىڭ ءوزى ۇلكەن جەڭىس! ال كوماندانى اتلەتتەر شەرۋىنە باستاپ شىعۋ ۇلكەن مارتەبە! ءبىزدىڭ وبرازىمىز بارلىعىنا ۇنادى. كوستيۋمىمىزدى ءبارىنىڭ جوعارى باعالاعانى قۋانتادى. اشىلۋ سالتاناتى دا كەرەمەت ءوتتى.
بارىمىزگە بەلگىلى كەدەرگىلەرگە قاراماستان، ۇلكەن مەرەكەنىڭ ابىرويمەن وتكەنى قۋانتادى. ءدال قازىرگى ميلليون ءتۇرلى سەزىمدەردى باستان كەشۋدەمىن. بارلىق قازاقستاندىقتارعا ساتتىلىك، جەڭىس تىلەيمىن. جانكۇيەرلەرگە ايتار العىسىمىز شەكسىز! بىزگە قولداۋ كورسەتىڭىزدەر»، - دەدى سپورتشى.
