سيرياداعى ا ق ش وپەراتسياسى

ولاردىڭ ىشىندە 6 بالا بار

تۇنگى رەيدتىڭ نەگىزگى نىساناسى اتماداعى عيمارات بولعان. سيريانىڭ سولتۇستىك- باتىسىندا ورنالاسقان، تۇركيامەن شەكارالاس قالادا ون مىڭداعان ادام تۇرادى. ولاردىڭ بارلىعى - ەلدەگى سوعىس سالدارىنان قاشىپ كەلگەن. دەگەنمەن ءدال نىساناداعى عيماراتتى كىمدەر پانالاعانى تۋرالى ناقتى اقپارات جوق. راستالماعان دەرەككوزدەر ا ق ش اسكەرى «ءال- كايدا» مۇشەسىن تۇتقىنداۋدى ماقسات ەتتى دەيدى.

«ءبىز تۇنگى 1 شاماسىندا تىكۇشاق دىبىسىنان وياندىق. ودان كەيىن ساعات 3 تە وق اتىلدى. كەيىن تالقانى شىققان ءۇيدى كوردىك، دەگەنمەن بۇل نە ءۇشىن بولعانىن تۇسىندىرگەن ەشكىم بولمادى»، دەيدى عيمارات جانىندا تۇراتىن ءابۋ فاحەد ءال- حومسي.

تاعى ءبىر كۋاگەر ا ق ش اسكەرى عيماراتتى قورشاپ العانىن كورگەنىن ايتادى. تۇرعىننىڭ مالىمدەۋىنشە، ولار داۋىس كۇشەيتكىشپەن حابارلاندىرۋ جاساپ، تۇرعىنداردان عيماراتتان كەتۋىن سۇراعان. ال وپەراتسيا اياقتالعاندا قازا بولعان ادامداردىڭ دەنەسىن كورىپتى.

سيريا ازاماتتىق قورعانىسى وقيعادان كەم دەگەندە 13 ادام قازا بولعانىن حابارلادى. جەرگىلىكتى بەلسەندىلەر سودىرلار اسكەرمەن قاقتىعىسقانىن ايتادى.

پەنتاگون بۇعان قاتىستى رەسمي مالىمدەمە جاسامادى. دەگەنمەن باياندامالارىندا ميسسيانىڭ ءساتتى اياقتالعانى تۋرالى جازىلعان.

«ا ق ش ارنايى وپەراتسيالار كۇشتەرى ا ق ش ورتالىق شتابىنىڭ باسقارۋىمەن سيريانىڭ سولتۇستىك- باتىسىندا وتكەن كونترتەررورلىق ميسسياسىن ءساتتى اياقتادى» دەيدى پەنتاگون باسپا ءسوز حاتشىسى دجون كيربي. ونىڭ ايتۋىنشا، تولىق اقپارات كەيىن جاريالانادى، ا ق ش تاراپىنان ادام شىعىنى جوق.

سۆەتلانا عالىمجان قىزى

egemen.kz