باۋىرجان قانيەۆ ەلدىڭ ازىق-تۇلىك قاۋىپسىزدىگىنە تونگەن قاۋىپتى ايتتى

دەپۋتاتتىڭ ايتۋىنشا، اۋىل شارۋاشىلىعى مينيسترلىگىنىڭ بويىنشا قازىر ەلگە ءسۇت ونىمدەرىنىڭ %23 ى، قۇس ەتىنىڭ %38 ى، شۇجىق ونىمدەرىنىڭ %44 ى يمپورتتالادى. ياعني، ەل يمپورتتىق ونىمدەرگە ايتارلىقتاي تاۋەلدى، بۇل مەملەكەتتىڭ ازىق- تۇلىك قاۋىپسىزدىگىنە ناقتى ءقاۋىپ توندىرەدى. وسىعان بايلانىستى دەپۋتات ەلدىڭ يمپورتقا تاۋەلدىلىگىن تومەندەتۋ، تاماق ونىمدەرى ءوندىرىسىن دامىتۋدى قامتاماسىز ەتۋ، ەكسپورت پەن يمپورتتىڭ تەڭگەرىمدى قۇرىلىمىن ساقتاۋ، سونداي- اق ازىق- تۇلىكپەن قامتاماسىز ەتۋدى تۇراقتاندىرۋ ءۇشىن رەزەرۆتىك قورلار قۇرۋدى ورىندى دەپ سانايدى.

«ەلىمىزدىڭ ازىق- تۇلىك قاۋىپسىزدىگىن قامتاماسىز ەتۋ ءۇشىن مەملەكەتتىك استىق رەسۋرستارىن جانە باسقا دا اۋىل شارۋاشىلىعى ونىمدەرىن قالىپتاستىرۋ، ساقتاۋ جانە پايدالانۋ ماسەلەلەرىن زاڭنامالىق تۇرعىدان بەكىتۋدى ۇسىنامىز. سونداي-اق، الەۋمەتتىك ماڭىزى بار ازىق- تۇلىك تاۋارلارىنا شەكتى باعانى بەلگىلەۋ ءارى ساۋدا ۇستەمەلەرىن %15 دان %10 عا دەيىن تومەندەتۋدى جانە ەلدە وندىرىلمەيتىن نەمەسە سىرتقى نارىقتاردا از مولشەردە وندىرىلەتىن ونىمدەردى ساتىپ الۋ تەتىگىن ەنگىزۋدى ۇسىنامىز»، - دەدى دەپۋتات سەناتتىڭ جالپى وتىرىسىندا.

اۆتور: رۋسلان عابباسوۆ