باس پروكۋراتۋرا پوليتسەيلەر ۇرىپ- سوقتى دەگەن تالدىقورعاندىقتىڭ ءوتىنىشى بويىنشا قىلمىستىق ءىس قوزعادى
نۇر- سۇلتان. قازاقپارات – ق ر باس پروكۋراتۋراسى پوليتسيا قىزمەتكەرلەرىنىڭ ا. ب. باتىربايەۆتى ۇرىپ- سوعۋ فاكتىسىن تەكسەرىپ جاتىر، دەپ حابارلايدى قازاقپارات.
«الەۋمەتتىك جەلىلەردە پوليتسيا قىزمەتكەرلەرىمەن ا. ب. باتىربايەۆتى ۇرىپ- سوعۋ فاكتىسى تۋرالى اقپارات تارالۋدا. اتالعان تۇلعا تالدىقورعان قالاسىندا بولعان تارتىپسىزدىكتەر كەزىندە قۇقىق قورعاۋ ورگاندارى قىزمەتكەرلەرىنە شابۋىل جاساعانى ءۇشىن 2022 -جىلعى 22 - قاڭتارىندا ۇستالعانىن حابارلايمىز. 23 -قاڭتارىندا جاۋاپ الۋ كەزىندە، ول 10 - قاڭتاردا ىشكى ىستەر ورگاندارىنىڭ قىزمەتكەرلەرى وعان دەنە جاراقاتىن كەلتىرگەنى تۋرالى ايتقان. ا. باتىربايەۆتىڭ بۇل ارىزىنىڭ نەگىزىندە الماتى وبلىسىنىڭ سىبايلاس جەمقورلىققا قارسى قىزمەتىمەن ازاپتاۋ فاكتىسى بويىنشا قىلمىستىق ءىس قوزعالعان. قازىرگى ۋاقىتتا تەرگەۋ امالدارى جۇرگىزىلۋدە»، - دەلىنگەن باس پروكۋراتۋرانىڭ حابارلاماسىندا.
