الماتى قالاسىنا كىمدەر اكىم بولعان؟
الماتى. قازاقپارات- بۇگىن الماتى قالاسىنىڭ اكىمى بولىپ ەربولات اسقاربەك ۇلى دوسايەۆ تاعايىندالدى.
ال بۇعان دەيىن الاتاۋ بوكتەرىندەگى الىپ شاھارعا كىمدەر اكىم بولعان ەدى؟
تاۋەلسىزدىك العاننان بەرگى كەزەڭدە الماتى قالاسىندا كوپتەگەن وزگەرىستەر بولدى. اتاۋىنان باستاپ اۋداندارىنا دەيىن اۋىستى. ءار اكىم قالانىڭ كوركەيىپ دامۋىنا بارىنشا ۇلەسىن قوستى. ولار كىمدەر ەدى؟
زامانبەك ءنۇرقادىلوۆ
باسقارعان جىلدارى: 1992 - 1994
قوعام قايراتكەرى. قىزمەتىن قۇرىلىس سالاسىنان باستاعان. ودان كەيىن ساياسات جولىنا تۇسكەن. 2005-جىلدىڭ 12- قاراشاسىندا قايعىلى جاعدايدا قايتىس بولدى.
شالباي قۇلماحانوۆ
باسقارعان جىلدارى: 1994 - 1997
ق ر مەملەكەتتىك قايراتكەرى، الماتى جانە الماتى وبلىستارىندا اكىم بولعان. قازىرگى تاڭدا ءىرى كاسىپكەرلەردىڭ ءبىرى.
ۆيكتور حراپۋنوۆ
باسقارعان جىلدارى: 1997 - 2004
الماتىنىڭ بۇرىنعى اكىمى، قازاقستاننىڭ بۇرىنعى ەنەرگەتيكا ءمينيسترى، 73 جاستاعى ۆيكتور حراپۋنوۆ قازىر شۆەيتساريادا تۇرىپ جاتىر. حراپۋنوۆقا جانە ونىڭ جاقىندارىنا قازاقستان بيلىگى سىبايلاس جەمقورلىق ايىپتارى بويىنشا ىزدەۋ جاريالاعان.
يمانعالي تاسماعامبەتوۆ
باسقارعان جىلدارى: 2004 - 2008
مەملەكەت جانە قوعام قايراتكەرى، بەلگىلى ساياساتكەر. قازاقستان رەسپۋبليكاسىنىڭ بەسىنشى پرەمەر-ءمينيسترى بولعان جانە بىرنەشە مينيسترلىك پەن وبلىس، قالانى باسقارعان. 2019-جىلى رەسەيدەگى ەلشىلىك قىزمەتىنەن زەينەتكە شىقتى.
احمەتجان ەسىموۆ
باسقارعان جىلدارى: 2008 - 2015
ەڭبەك جولىن 1968-جىلى باستاعان. ينجەنەر، اۋىلشارۋاشىلىق كاسىپورنى ديرەكتورى قىزمەتىنەن باستاپ جوعارىلاعان. ەكونوميكا عىلىمدارىنىڭ دوكتورى. قازىر قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ شتاتتان تىس كەڭەسشىسى.
باۋىرجان بايبەك
باسقارعان جىلدارى: 2015-2019
ساياساتكەر جانە مەملەكەت قايراتكەرى. قازىر «نۇر وتان» پارتياسى ءتوراعاسىنىڭ ءبىرىنشى ورىنباسارى.
باقىتجان ساعىنتايەۆ
باسقارعان جىلدارى: 2019-2022
ق ر مەملەكەت قايراتكەرى، بۇرىنعى پرەمەر-مينيستر. ەكونوميكا عىلىمدارىنىڭ دوكتورى. الماتى قالاسى اكىمى بولعانعا دەيىن ق ر پرەزيدەنتى اكىمشىلىگىنىڭ ءتوراعاسى بولدى.
ەربولات دوسايەۆ
باسقارعان جىلدارى: 2022 -...
تاۋەلسىزدىك العاننان بەرگى كەزەڭدە قالا بيلىگىن قولىنا العان 8- اكىم. 2019-جىلدىڭ اقپانىنان بۇگىنگە دەيىن ۇلتتىق بانك ءتوراعاسى قىزمەتىن اتقارىپ كەلدى.
massaget.kz
