دۇشپاندىقتان دوستىققا: تۇركيا يزرايلمەن ىنتىماقتاستىق ورناتۋعا نيەتتى

بۇل تۋرالى پرەزيدەنت رەجەپ تايىپ ەردوعان مالىمدەدى.

تۇركيا يزرايلمەن تابيعي گاز سالاسىندا ىنتىماقتاستىق ورناتۋعا نيەتتى. ەكى ەل اراسىنداعى قارىم- قاتىناس بۇرىنعى پرەمەر- مينيستر بينيامين نەتانياحۋ مەن پرەزيدەنت ەردوعان تۇسىندا ناشارلاعان. تاراپتار 2010 مەن 2018 -جىلدارى قارىم- قاتىناسىن ءۇزىلدى كەسىلدى توقتاتىپ، ەلشىلەرىن قايتارىپ العان.

بىرىنشىسىنە يزرايلدىڭ گازا سەكتورىنا گۋمانيتارلىق كومەك تاسىمالداعان جۇك كەمەسىنە شابۋىلداپ، 9 ەرىكتىنىڭ قازا تابۋى سەبەپ بولسا، ەكىنشىسىنە ا ق ش ەلشىلىگىن يەرۋساليمگە كوشىرۋى تۇرتكى بولعان.

تۇركيا تاياۋ شىعىس ەلدەرىمەن عانا ەمەس، سونداي- اق ارمەنيامەن دە بايلانىسىن جانداندىرماق. ەكى تاراپ ديپلوماتيالىق قاتىناستارىن رەتتەۋ ماقساتىندا ارنايى وكىل تاعايىندادى. رەسمي ەريەۆان ناۋرىز ايىندا انتاليادا وتەتىن ديپلوماتيا فورۋمىنا قاتىسۋى مۇمكىن ەكەنىن مالىمدەدى.

www.24.kz