ادام قۇقىعىن مىندەتتى تۇردە ساقتايمىز - قاسىم- جومارت توقايەۆ
نۇر- سۇلتان. قازاقپارات - لاڭكەستەر مەملەكەتىمىزگە شابۋىل جاساپ، ەل تىنىشتىعىن بۇزدى. بۇل تۋرالى «Nur Otan» پارتياسىنىڭ كەزەكتەن تىس 21- سەزىندە ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«وزدەرىڭىزگە ءمالىم، قاڭتار ايىنىڭ باسىندا حالقىمىز قايعىلى وقيعالاردى باستان وتكەردى. وكىنىشكە قاراي، بەيبىت ميتينگىلەردى راديكالدى كۇشتەر ءوز ماقساتىنا پايدالانىپ كەتتى. لاڭكەستەر مەملەكەتىمىزگە شابۋىل جاساپ، ەل تىنىشتىعىن بۇزدى. ولار بيلىكتى باسىپ الۋعا تىرىستى. ءبىز شۇعىل شارالار قابىلداپ، لاڭكەستەرگە، قاراقشىلارعا تويتارىس بەردىك. زاڭدىلىق پەن قوعامدىق ءتارتىپتى قالپىنا كەلتىردىك. مەملەكەتىمىزدىڭ تۇتاستىعىن ساقتاپ قالدىق»، - دەدى مەملەكەت باسشىسى.
ق ر پرەزيدەنتىنىڭ اتاپ وتۋىنشە، قۇزىرلى ورگاندار كىنالى ادامدى انىقتاپ، جاۋاپقا تارتۋ ءۇشىن تەرگەۋ جۇرگىزۋدە.
«بۇل جۇمىس تەك زاڭ اياسىندا جۇزەگە اسىرىلاتىنىنا كۇمان بولماۋعا ءتيىس. ءبارى باس پروكۋراتۋرانىڭ جانە مەنىڭ جەكە باقىلاۋىمدا بولادى. ادام قۇقىعىن مىندەتتى تۇردە ساقتايمىز»، - دەدى قاسىم- جومارت توقايەۆ.
ايتا كەتەيىك، پارتيا سەزىندەگى مەملەكەت باسشىسىنىڭ سويلەگەن ءسوزى ق ر پرەزيدەنتى باسپا ءسوز قىزمەتىنىڭ Twitter- دەگى پاراقشاسىندا جاريالانۋدا.
اۆتور: مارلان جيەمباي
