مارات تولەبايەۆ ەلوردا پوليتسيا دەپارتامەنتىنىڭ باستىعى بولىپ تاعايىندالدى
نۇر- سۇلتان. قازاقپارات - پرەزيدەنتى اكىمشىلىگىنىڭ كەلىسىمى بويىنشا ىشكى ىستەر ءمينيسترى ەرلان تۇرعىمبايەۆتىڭ بۇيرىعىمەن نۇر- سۇلتان قالاسى پوليتسيا دەپارتامەنتىنىڭ باستىعى لاۋازىمىنا مارات تولەبايەۆ تاعايىندالدى، دەپ حابارلايدى قازاقپارات ءتىلشىسى.
بۇگىن ءى ءى م باسشىسى ونى جەكە قۇرامعا تانىستىردى. بۇعان دەيىن وسى قىزمەتتى اتقارعان ەرجان سادەنوۆ ق ر پرەزيدەنتىنىڭ وكىمىمەن جاقىندا ىشكى ىستەر ءمينيسترىنىڭ ورىنباسارى بولىپ تاعايىندالدى. مينيستر ەرجان سادەنوۆتىڭ باسشىلىعىمەن نۇر- سۇلتان قالاسىنىڭ پوليتسيا دەپارتامەنتى قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋ بويىنشا وڭ ناتيجەلەرگە قول جەتكىزگەنىن اتاپ ءوتىپ، اتقارىلعان جۇمىس ءۇشىن العىسىن ءبىلدىردى.
«ەلوردامىز قارقىندى ءوسىپ، دامىپ كەلەدى، ونىڭ تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋ وتە ماڭىزدى. اۋماقتىق بولىمشەنى باسقارۋدا مول تاجىريبەسى بار مارات تولەبايەۆ مەملەكەت باسشىسىنىڭ ىشكى ىستەر ورگاندارىنىڭ الدىنا قويعان مىندەتتەرىن ورىنداۋ جۇمىستارىن، ونىڭ ىشىندە حالىقپەن ءوزارا ءىس- قيمىلدىڭ سەرۆيستىك مودەلىنە كوشۋ، پوليتسيا قىزمەتىن سيفرلاندىرۋ جانە قىلمىسقا قارسى كۇرەستى ءتيىستى دەڭگەيدە جالعاستىراتىنىنا سەنىمدىمىن. ەلوردامىز الەمدەگى ەڭ قاۋىپسىز قالالاردىڭ قاتارىندا بولۋى ءتيىس»، - دەدى مينيستر ەرلان تۇرعىمبايەۆ.
ق ر ىشكى ىستەر مينيسترلىگىنىڭ مالىمەتىنشە، مارات ساعىنتاي ۇلى تولەبايەۆ 1969 -جىلى تۋعان. ىشكى ىستەر ورگاندارىنداعى قىزمەتىن قوستاناي وبلىسىندا قىلمىستىق ىزدەستىرۋ جەدەل ۋاكىلى لاۋازىمىنان باستادى. ءار جىلدارى ەلوردادا پوليتسيا دەپارتامەنتىنىڭ بولىمشەلەرىندە باسشىلىق قىزمەتتەردى اتقاردى. قوستاناي وبلىسى جانە نۇر- سۇلتان قالاسى پوليتسيا دەپارتامەنتى باستىعىنىڭ ءبىرىنشى ورىنباسارى بولىپ جۇمىس ىستەدى. 2019 -جىلدان باستاپ سولتۇستىك قازاقستان وبلىسىنىڭ پوليتسيا دەپارتامەنتىن باسقاردى. پوليتسيا گەنەرال- مايورى ارنايى اتاعى بار.
اۆتور: مارلان جيەمباي
