توقايەۆ مەملەكەتتىك ورگان باسشىلارىنىڭ ءبىر قاتەلىكتى ءجيى قايتالايتىنىن سىنادى

«ءىس جۇزىندە كاسىپكەرلەردىڭ تالاپتارى بويىنشا ءاربىر ەكىنشى شەشىم مەملەكەتتىڭ جانە لاۋازىمدى تۇلعانىڭ پايداسىن كوزدەمەگەن. مەن مۇنى پروگرەسس دەپ سانايمىن. تاعى ءبىر وڭ بەلگى - تالاپتاردىڭ باسىم بولىگىن سوتتار كاسىپكەردىڭ مەملەكەتتىك ورگاندارمەن تاتۋلاسۋىنا بايلانىستى قايتارعان. ءبىراق، سوتقا شاعىمدار سانى ارتىپ كەلەدى. ولاردىڭ سانى قازىر 14 مىڭنان اسادى. ۇكىمەتكە جوعارعى سوتپەن جانە ۇلتتىق كاسىپكەرلەر پالاتاسىمەن بىرلەسىپ، مەملەكەتتىك ورگانداردىڭ تەرىس تاجىريبەسىن ساراپتاۋ جانە جويۋ بويىنشا شارالار قابىلداۋدى تاپسىرامىن»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.

ق ر پرەزيدەنتىنىڭ اتاپ وتۋىنشە، سوت مەملەكەتتىك ورگاننىڭ ءبىر قاتەلىگىن قايتا- قايتا تۇزەتە بەرەتىن بولسا، وندا ونداي باسشى ءوز ورنىندا وتىرعان جوق دەگەندى بىلدىرەدى.

«جوعارعى سوتقا الاڭداتارلىق سيفرلارعا نازار اۋدارۋدى وتىنەمىن. تومەن تۇرعان سوتتاردىڭ شەشىمدەرىنە شاعىمدار بويىنشا اپپەلياتسيالىق مەن كاسساتسيالىق اكتىلەردىڭ جارتىسىنا جۋىعى كاسىپكەرلەردىڭ پايداسىنا قابىلدانعان. بۇل باستاپقى دەڭگەيدە سوتتاردىڭ ءالى دە بولسا يكەمدەلمەگەنىن جانە مۇددەلەردى جالعان قورعاۋدان باس تارتپاعانىن بىلدىرەدى. مۇنى تۇزەتۋ قاجەت. كاسىپكەرلەردىڭ مىندەتى - سوت سارساڭىمەن ۋاقىت وتكىزۋ ەمەس، جۇمىس ىستەۋ»، دەدى قاسىم- جومارت توقايەۆ.

اۆتور: مارلان جيەمباي