ۇ ق ش ۇ بىتىمگەرلەرى قانداي نىسانداردى كۇزەتۋدە
نۇر- سۇلتان. قازاقپارات – ق ر قورعانىس مينيسترلىگىنىڭ باسپا ءسوز قىزمەتى ۇ ق ش ۇ كىرەتىن ارمەنيا، قىرعىزستان، تاجىكستان، بەلارۋس ەلدەرىنەن كەلگەن ۇجىمدىق بىتىمگەرشىلىك كۇشتەرىنىڭ قازاقستانداعى نىسانداردىڭ قاۋىپسىزدىگىن قالاي قامتاماسىز ەتىپ تۇرعانى تۋرالى ۆيدەولار جاريالادى، دەپ حابارلايدى قازاقپارات.
ارمەنيا ەلىنىڭ اسكەري قىزمەتشىلەرى ۇ ق ش ۇ ۇجىمدىق بىتىمگەرشىلىك كۇشتەرى قۇرامىندا الماتى قالاسى مەن الماتى وبلىسىنىڭ تۇرمىس- تىرشىلىگىنە قاجەتتى ماڭىزدى نىسانداردىڭ قاۋىپسىزدىگىن قامتاماسىز ەتۋ جونىندەگى تاپسىرمالاردى ورىنداۋدا.
قىرعىزستاننان كەلگەن اسكەري قىزمەتشىلەر الماتى قالاسىنىڭ تۇرمىس- تىرشىلىگىن قامتاماسىز ەتۋ نىساندارىن كۇزەتۋ بويىنشا تاپسىرمالاردى ورىنداۋدا.
الماتىداعى جىلۋ ەنەرگەتيكالىق ورتالىعىنىڭ قاۋىپسىزدىگىن تاجىكستان قارۋلى كۇشتەرىنىڭ بىتىمگەرلەرى قامتاماسىز ەتەدى. كونتينگەنت قۇرامىندا 100 ادام بار. ج ە و-1 الماتىنىڭ ورتالىق جانە شىعىس بولىگىن جىلۋمەن جانە ىستىق سۋمەن قامتاماسىز ەتەدى. ستانتسيا قالا ىشىندە ورنالاسقان جانە مەگاپوليستىڭ ماڭىزدى نىساندارىنىڭ ءبىرى بولىپ تابىلادى.
بەلارۋس ەلىنىڭ اسكەري قىزمەتشىلەرى ۇ ق ش ۇ ۇجىمدىق بىتىمگەرلىك كۇشتەرىنىڭ قۇرامىندا «جەتىگەن» اسكەري اۋەايلاعىن كۇزەتۋ بويىنشا تاپسىرمالاردى ورىنداۋدا.
ەسكە سالساق، 6-قاڭتاردا ق ر پرەزيدەنتى قاسىم- جومارت توقايەۆ ۇجىمدىق قاۋىپسىزدىك شارت ۇيىمىنا مۇشە ەلدەردىڭ باسشىلارىنان تەررورلىق سىن- قاتەردى ەڭسەرۋدە كومەك سۇرادى. ۇ ق ش ۇ- نىڭ ۇجىمدىق بىتىمگەرشىلىك كۇشتەرى قازاقستانعا ۋاقىتشا كەلدى. بۇل تۋرالى قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشيەۆ ايتتى.
12-قاڭتاردا الماتىدا جەدەل شتابتىڭ وتىرىسىن وتكىزگەن مەملەكەت باسشىسى الدا ۇ ق ش ۇ بىرلەسكەن بىتىمگەرلىك كونتينگەنتىنىڭ بولىمشەلەرىن قايتارۋ جۇمىسى باستالاتىنىن ايتتى.
