«قازاقستان حالقىنا» قورىنا كىمدەر مىندەتتى اۋدارىم جاسايدى

بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ «قازاقستان حالقىنا» قوعامدىق الەۋمەتتىك قورىن قۇرۋ جونىندەگى تاپسىرماسى بويىنشا: قولدانىستاعى زاڭناماعا سايكەس قوعامدىق قور دەپ جەكە تۇلعالار نەمەسە زاڭدى تۇلعالار - قوعامدىق بىرلەستىكتەر قۇرعان قور تۇسىنىلەدى. قور قىزمەتىنىڭ سالاسى الەۋمەتتىك جانە مادەني قىزمەتتىڭ ءارتۇرلى اسپەكتىلەرىن (دەنساۋلىق ساقتاۋ، ءبىلىم بەرۋ، سپورت، مادەنيەت، الەۋمەتتىك ينفراقۇرىلىم، بولعان جويقىن - قيراتۋ سالدارىن قالپىنا كەلتىرۋ جانە قازا تاپقان اسكەري قىزمەتشىلەردىڭ وتباسىن قولداۋى) قامتيتىن بولادى. قوردى قارجىلاندىرۋ جەكە جانە مەملەكەتتىك كوزدەردەن جۇزەگە اسىرىلادى. حالىقارالىق قايىرىمدىلىق ۇيىمدارىنىڭ كومەگىن، لوتەرەيا قىزمەتى وپەراتورىنىڭ، ستاۆكالاردى ەسەپكە الۋ ورتالىعىنىڭ جانە باسقا مونوپوليستەردىڭ مىندەتتى اۋدارىمدارىن قورعا تۇراقتى تارتۋ جوسپارلانۋدا. وسىعان بايلانىستى قوردىڭ قۇرىلتايشىسى رەتىندە ارەكەت ەتەتىن قوعامدىق بىرلەستىكتى ايقىنداۋ، سونداي- اق ىسكە اسىرۋ تەتىكتەرىن ازىرلەۋ ءۇشىن ازاماتتىق قوعام وكىلدەرىنىڭ قاتىسۋىمەن ۇكىمەت جانىنان جۇمىس توبىن قۇرۋ ۇسىنىلادى»، - دەدى مينيستر.

ونىڭ اتاپ وتۋىنشە، دەنساۋلىق ساقتاۋ مينيسترلىگى «قازاقستان حالقىنا» قوعامدىق الەۋمەتتىك قورىنىڭ قاراجاتىنان ورفاندىق اۋرۋلارى بار بالالاردى ەمدەۋگە ارنالعان بولجامدى شىعىنداردىڭ ەسەبى مەن دارىلىك زاتتاردىڭ تىزبەسى بويىنشا ۇسىنىستار ەنگىزەدى.

«بالالاردىڭ دەنساۋلىعىن ساقتاۋ سالاسىندا سيرەك (ورفاندىق) جانە اۋىر اۋرۋلارى بار بالالاردى ءدارى- دارمەكپەن قامتاماسىز ەتۋ نەعۇرلىم وزەكتى بولىپ تابىلادى. الەمدەگى ەشبىر ەل وتە جوعارى شىعىنداردى ەسكەرە وتىرىپ، بارلىق ورفاندىق اۋرۋلاردى تولىق قارجىلاندىرمايدى. سوندىقتان دا، قوردى قۇرۋ ورفاندىق اۋرۋلارمەن اۋىراتىن ناۋقاستار ءۇشىن قىمبات تۇراتىن مەديتسينالىق قىزمەتتەر مەن دارىلىك زاتتاردىڭ قولجەتىمدىلىگىن ارتتىرۋعا مۇمكىندىك بەرەدى. جۇمىس جالعاسۋدا»، - دەدى اجار عينيات.