ايدىڭ ارعى بەتىندەگى «جۇمباق نىساننىڭ» نە ەكەنى بەلگىلى بولدى
قىتايدىڭ يۋيتۋ-2 روۆەرى ايدىڭ ارعى بەتىندە سۋرەتكە تۇسىرگەن جۇمباق نىسان كراتەردىڭ شەتىندەگى جارتاس بولىپ شىقتى. بۇل تۋرالى CNet حابارلادى.
ونىڭ العاشقى سۋرەتى جەلتوقسان ايىنىڭ باسىندا جاريالانعان. نىسان سىرتقى ءتۇرى بويىنشا ۇيگە ۇقسايدى. يۋيتۋ-2 2019 -جىلى ايدىڭ ارعىبەتىنە العاش جەتكەن روۆەر. ول ۆون كارمان كراتەرى ايماعىنا قونعان.
ايتا كەتەيىك، جەلتوقسان ايىندا قىتايدىڭ «يۋيتۋ-2» روۆەرى ايدان جۇمباق نىساننىڭ تەكشە ءتارىزدى سۋرەتىن جىبەردى.
«ايدىڭ ارعى بەتىندەگى يۋيتۋ-2 دەن حابار كەلدى. سولتۇستىك كوكجيەكتە بەلگىسىز تەكشە ءتارىزدى نىسان تابىلىپ، ونى «جۇمباق ءۇي« دەپ اتادى. روۆەر ونىڭ نە ەكەنىن انىقتاۋ ءۇشىن الداعى 3-4 كۇندە جاقىندايدى. نىسان باعانا نەمەسە جاتپلانەتالىق ەمەس ەكەنى انىق، ءبىراق زەرتتەۋگە تۇرارلىق جۇمباق»، - دەپ جازعان ەدى جەلتوقسان ايىندا ەندريۋ دجونس.
سول كەزدە ونىڭ قانداي جۇمباق نىسان ەكەنىن انىقتاۋ ءۇشىن روۆەردىڭ وعان جاقىنداپ باراتىنى ايتىلعان ەدى.
