قورعانىس مينيسترلىگى ۇ ق ش ۇ كۇشتەرىنىڭ ورىنداپ جاتقان تاپسىرمالارىن ايتتى

ۆەدومستۆو اقپاراتىنا سۇيەنسەك، العاشقى بولىپ قازاقستانعا 6-قاڭتار كۇنى رەسەيدىڭ اسكەري كونتينگەنتى بار ۇشاق كەلىپ قوندى. ءىزىن سۋىتپاي ارتىنان جەدەل تۇردە ارمەنيا، بەلارۋس، قىرعىزستان جانە تاجىكستاننان بىتىمگەرلىك كونتينگەنتتەر جەتكەن. بىتىمگەرلىك كۇشتەردىڭ جالپى سانى شامامەن 2500 ادامدى قۇرايدى. الماتىدا توتەنشە جاعداي شارالارىن قامتاماسىز ەتۋگە قاتىساتىن ۇيىمنىڭ بولىمدەرى مەن بولىمشەلەرىنىڭ ءىس- قيمىلىن ۇيلەستىرەتىن ۇ ق ش ۇ- نىڭ ۇجىمدىق بىتىمگەرلىك كۇشتەرى شتابى قۇرىلدى.

«ەلىمىزدە كونتينگەنتتى ورنالاستىرۋ ءۇشىن ۇجىمدىق قاۋىپسىزدىك تۋرالى شارتتىڭ 2 جانە 4-باپتارى، بىتىمگەرشىلىك قىزمەت تۋرالى كەلىسىم جانە قازاقستان رەسپۋبليكاسى پرەزيدەنتىنىڭ ءتيىستى كومەك كورسەتۋ تۋرالى ۇندەۋى قۇقىقتىق نەگىز بولىپ تابىلادى. بىتىمگەرشىلىك كۇشتەردىڭ مانداتىنا ستراتەگيالىق نىسانداردى كۇزەتۋ كىرەدى. كونتينگەنتتەر اۋەجايلاردى، اسكەري قويمالاردى جانە حالىقتىڭ تىنىس- تىرشىلىگىن قامتاماسىز ەتەتىن باسقا دا ستراتەگيالىق نىسانداردىڭ قاۋىپسىزدىگىن قامتاماسىز ەتۋ فۋنكتسيالارىن جۇزەگە اسىرادى. ۇ ق ش ۇ- عا مۇشە مەملەكەتتەر ۇجىمدىق بىتىمگەرشىلىك كۇشتەرىنىڭ اسكەري قىزمەتشىلەرى تەرروريزمگە قارسى وپەراتسياعا تارتىلمايدى. تەرروريستىك توپتارعا قارسى نەگىزگى ءىس- قيمىلداردى قۇقىق قورعاۋ ورگاندارى مەن قازاقستان رەسپۋبليكاسىنىڭ قارۋلى كۇشتەرى جۇرگىزەدى. سونىمەن قاتار ەلدە ۇيىم ەلدەرىنىڭ اسكەري بولىمشەلەرىنىڭ بولۋى قازاقستان قارۋلى كۇشتەرىنىڭ اسكەري قىزمەتشىلەرى مەن باسقا دا الەۋەتتى قۇرىلىمداردىڭ قىزمەتكەرلەرىنە توتەنشە جاعداي رەجيمىن قامتاماسىز ەتۋ جانە تەرروريزمگە قارسى وپەراتسيانى وتكىزۋ جونىندەگى ءىس- شارالارعا تولىق كوڭىل اۋدارۋعا مۇمكىندىك بەردى»، - دەدى ق ر قورعانىس مينيسترلىگىنەن.

ەسكە سالايىق، ق ر پرەزيدەنتى قاسىم- جومارت توقايەۆ ۇجىمدىق قاۋىپسىزدىك شارت ۇيىمىنا مۇشە ەلدەردىڭ باسشىلارىنان ەل اۋماعىنداعى تەرروريستىك ءقاۋىپتى ەڭسەرۋ ءۇشىن قازاقستانعا كومەك كورسەتۋدى سۇراعان بولاتىن.

«ۇ ق ش ۇ- نىڭ ۇجىمدىق بىتىمگەرشىلىك كۇشتەرى قازاقستان اۋماعىندا ۋاقىتشا مەرزىمگە كەلگەنىن جانە قازاقستان تاراپىنىڭ ءوتىنىشى بويىنشا جاعداي تۇراقتالعاننان كەيىن ەلدەن كەتەتىنىن اتاپ ءوتۋ قاجەت»، - دەدى قورعانىس ۆەدومستۆوسىنان.

ايتا كەتەيىك، ۇ ق ش ۇ- عا مۇشە مەملەكەتتەردىڭ بىتىمگەرشىلىك كونتينگەنتتەرى - بۇل ارنايى دايىندالعان اسكەري، ميليتسيا (پوليتسيا) جانە ازاماتتىق پەرسونال، سونداي- اق ۇيىمعا مۇشە مەملەكەتتەر ۇ ق ش ۇ- نىڭ بىتىمگەرشىلىك كۇشتەرىنە بەرەتىن كۇشتەر مەن قۇرالدار. ۇجىمدىق بىتىمگەرشىلىك كۇشتەردىڭ قۇرامى، قۇرىلىمى مەن سانى جۇكتەلگەن مىندەتتەردىڭ كولەمى مەن شيەلەنىس ايماعىنداعى ناقتى جاعدايدى نەگىزگە الا وتىرىپ، ءاربىر بىتىمگەرشىلىك وپەراتسيا ءۇشىن ۇ ق ش ۇ ۇجىمدىق قاۋىپسىزدىك كەڭەسىنىڭ شەشىمىمەن جەكە ايقىندالادى.