قازاقستاندا دەپوزيتتەردىڭ پايىزدىق مولشەرلەمەسى وسەدى

قارجىلىق جۇيەنىڭ تۇراقتىلىعىن قامتۋ جونىندەگى پرەزيدەنتتىڭ تاپسىرماسىن ورىنداۋ ءۇشىن قازاقستاندىق دەپوزيتتەردى كەپىلدەندىرۋ قورى وسىنداي شەشىم قابىلداپ وتىر.

11- قاڭتاردان باستاپ ەڭ جوعارعى پايىزدىق مولشەرلەمە 3 جانە 6 ايلىق مەرزىمدەگى دەپوزيتتەرگە قولدانىلادى.

ياعني، جيناققا قوسىلاتىن مولشەرلەمە 2 پايىزعا وسپەك. ال ءبىر جىلدىق مەرزىمدەگى دەپوزيتتەرگە 1 پايىزدىق ۇستەماقى قوسىلماق.

اتالعان شارا قىسقا مەرزىم ىشىندە قارجىلىق جۇيەنىڭ تۇراقتىلىعىن قامتىپ، ۆاليۋتا نارىعىنداعى سپەكۋلياتسيانىڭ الدىن الماق.

ايتا كەتەيىك، بۇعان دەيىن ق ر قارجى نارىعىن رەتتەۋ جانە دامىتۋ اگەنتتىگى الماتى مەن تالدىقورعاننان باسقا قازاقستاننىڭ بۇكىل وڭىرىندە ەكىنشى دەڭگەيدەگى بانك بولىمشەلەرىنىڭ جۇمىسى قايتا جاندانعانىن حابارلاعان ەدى.