الماتىداعى ورتالىق مەملەكەتتىك مۇراجاي مەن ۇلتتىق كىتاپحاناعا لاڭكەستەر شابۋىل جاساعان – مينيسترلىك
نۇر- سۇلتان. قازاقپارات - قازىرگى ۋاقىتتا مادەنيەت، ارحيۆ، سپورت، تۋريزم نىساندارىنا كەلتىرىلگەن شىعىن كولەمى ەسەپتەلىپ جاتىر، دەپ حابارلايدى قازاقپارات مادەنيەت جانە سپورت مينيسترلىگىنە سىلتەمە جاساپ.
«ەلدىڭ تاريحي- مادەني مۇراسىنىڭ تىزىمىنە ەنگىزىلگەن وبەكتىلەردىڭ جاعدايى، كەلتىرىلگەن زالال تۋرالى اقپارات- ناقتىلانىپ جاتىر. بۇكىل ەل بويىنشا تاريحي- مادەني مۇرا ەسكەرتكىشتەرىنىڭ جاي- كۇيىنە تالداۋ جۇرگىزىلۋدە. الماتىدا قازاقستان رەسپۋبليكاسىنىڭ ورتالىق مەملەكەتتىك مۇراجايى مەن ق ر ۇلتتىق كىتاپحاناسىنا لاڭكەستەر شابۋىل جاساعان. عيماراتتاردىڭ تەرەزەلەرى مەن كىرەبەرىسى زاقىمدانعان، ەسىكتەر سىنعان، ءبىراق قورلار مەن مۇراعاتتار ساقتالعان. قىزمەتكەرلەردىڭ باتىلدىعىنىڭ ارقاسىندا بۇل نىسانداردىڭ باستى مۇلكىن توناۋعا جول بەرىلمەدى»، دەلىنگەن حابارلامادا.
ۆەدومستۆونىڭ مالىمەتىنشە، تاريحي- مادەني مۇرا تىزىمىنە ەنگىزىلگەن نىساندارعا كەلتىرىلگەن زالالعا مۇقيات تالداۋ جۇرگىزىلىپ جاتىر.
