الەمدىك قوعامداستىق سوتىنا سودىرلاردىڭ باسقىنشىلىعىنا قاتىستى قوسىمشا دالەلدەر ۇسىنامىز - توقايەۆ
نۇر- سۇلتان. قازاقپارات - الەمدىك قوعامداستىق سوتىنا سودىرلاردىڭ باسقىنشىلىعىنا قاتىستى قوسىمشا دالەلدەر ۇسىنامىز.
بۇل جايىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«تاياۋ ۋاقىتتا، الدىن الا تەرگەۋلەر اياقتالعاننان كەيىن الەمدىك قوعامداستىق سوتىنا ەلىمىزگە قارسى تەررورلىق باسقىنشىلىقتى دايىنداۋ جانە وتكىزۋگە قاتىستى قوسىمشا دالەلدەر ۇسىناتىن بولامىز»، - دەدى مەملەكەت باسشىسى ۇ ق ش ۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا.
ق ر پرەزيدەنتى جەكەلەگەن بۇقارالىق اقپارات قۇرالدارى جالعان اقپارات تاراتىپ جاتقاندىعىن باسا ايتىپ ءوتتى.
«جەكەلەگەن بۇقارالىق اقپارات قۇرالدارى مەن قوعامدىق ينستيتۋتتار ويدان شىعارىلعان جانە تەكسەرىلمەگەن فاكتىلەرگە نەگىزدەلگەن جالعان اقپاراتتاردى تاراتۋىن جالعاستىرىپ جاتىر. ب ۇ ۇ، ە ق ى ۇ، ش ءى ۇ، ا ءو ى س ش ك- ءنى قوسا العاندا حالىقارالىق ۇيىمدار، سونىمەن قاتار حالىقارالىق گۋمانيتارلىق ۇيىمدار لاڭكەستەردىڭ ءىس- ارەكەتتەرىن تولىقتاي جانە ءادىل تەرگەلۋىنە مۇددەلى ەكەندىگىنە سەنىمدىمىن»، - دەدى قاسىم- جومارت توقايەۆ.
ايتا كەتەيىك، بۇگىن ۇ ق ش ۇ ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسى ءوتىپ جاتىر. جيىن قازاقستان تاراپىنىڭ باستاماسىمەن شاقىرىلدى.
ەسكە سالايىق ، ق ر پرەزيدەنتى قاسىم- جومارت توقايەۆ ۇ ق ش ۇ مۇشە ەلدەردىڭ باسشىلارىنان ەل اۋماعىنداعى تەرروريستىك قاۋىپتى ەڭسەرۋ ءۇشىن قازاقستانعا كومەك كورسەتۋدى سۇراعان بولاتىن.
اۆتور: مارلان جيەمباي
