تاعى ءبىر بالا وقتان كوز جۇمدى - ارۋجان ساين بارىنشا ساق بولۋدى ەسكەرتتى

الماتى. قازاقپارات - قازاقستان رەسپۋبليكاسىنىڭ بالالار قۇقىعى جونىندەگى ۋاكىلى ارۋجان ساين ەلدە قالىپتاسقان جاعدايعا بايلانىستى انا- انالارعا ەسكەرتۋ جاسادى، دەپ حابارلايدى قازاقپارات ءتىلشىسى.

«الماتىداعى جاپپاي تارتىپسىزدىكتەر كەزىندە 4 جاسار بالانىڭ وق ءتيىپ، كوز جۇمعانى تۋرالى اقپاراتتىڭ ناقتىلىعىن سۇراپ حابارلاسقان ادامدار كوپ بولدى. سوندىقتان مەن ءتۇرلى اقپارات كوزدەرىنە حابارلاسىپ، وقيعانىڭ ءمان- جايىن ءبىلدىم. 7-قاڭتار كۇنى سەيفۋللين كوشەسىنىڭ بويىمەن كەلە جاتقان ماشيناعا وق اتىلعان. كولىكتە ۇلكەندەرمەن بولعان بالاعا وق تيىپ، كوز جۇمعان. سوندىقتان مەن بارلىق اتا- انالارعا، الماتىلىقتارعا بارىنشا ساق بولۋ كەرەكتىگىن ەسكەرتكىم كەلەدى. بالالارىڭىزدى قاراۋسىز، جالعىز قالدىرماڭىزدار»، - دەدى بالالار قۇقىعى جونىندەگى ۋاكىلى قازاقپارات تىلشىسىنە.

ەسكە سالساق، 5-قاڭتار كۇنى الماتىدا وق جاراقاتىنان بالا قايتىس بولدى. اتا- انالارى بالالارمەن سەرۋەندەپ قايتىپ كەلە جاتقاندا وق اتىلىپ، 11 جاستاعى بالا قازا تاپتى.