#كۇشىمىزبىرلىكتە: تاۋەلسىزدىك تاعدىرى ءۇشىن بارلىق ارەكەتكە دايىنبىز - روزا مۇقانوۆا
نۇر- سۇلتان. قازاقپارات - پرەزيدەنت قاسىم- جومارت توقايەۆتىڭ سوڭعى وقيعالارعا جاساعان ۇندەۋىنە بايلانىستى زيالى قاۋىم دا ءوز پىكىرىن ءبىلدىرىپ، مەملەكەت باسشىسىن قولداپ جاتىر.
«بىزگە بەبىتشىلىك قىمبات! تاۋەلسىز ەلدىڭ بولاشاعى قىمبات! ءار قازاقستاندىقتىڭ ءومىرى قىمبات! ءبىز حالقى ءۇشىن وت جالىنعا ورانىپ تۇرعان پرەزيدەنت قاسىم- جومارت توقايەۆتىڭ ءار قادامىن قولدايمىز»، - دەپ جازدى اقىن، جازۋشى روزا مۇقانوۆا ف ب پاراقشاسىندا.
«پرەزيدەنت حالىققا قارسى قارۋ قولدانعان بۇلىكشىلەر توبىن اۋىزدىقتاۋ ءۇشىن بارلىق قادامدارعا باردى. قاجەت بولعان جاعدايدا تاۋەلسىز ەلدىڭ تاعدىرى ءۇشىن بارلىق ارەكەتكە دايىنبىز. الاڭدا اسكەريلەردىڭ باسى كەسىلىپ، دومالاپ جاتقاندا ۇيدە وتىرىپ كۇپىنبەڭدەر، باۋىرلار. فەيك جامىلىپ، حالىقتى ايداپ سالۋشىلار قۇدايدان قورقىڭدار!» دەدي ول.
ال ق ر جازۋشىلار وداعى ءتوراعاسىنىڭ ورىنباسارى، اقىن اقبەرەن ەلگەزەك ەلدە تۇسىمىزگە دە كىرمەگەن جاعداي ورىن العانىن، قازىر بوس ءسوز ساپىرىپ ساياسات سوعاتىنەز كەز ەمەس ەكەنىن ايتادى.
«قاي قايسىمىز ءار جاققا تارتپاي، بارلىق قۇزىرەتتى قولىنا العان پرەزيدەنتتىڭ قاسىنا توپتاسۋىمىز كەرەك! جاۋدىڭ نىسانى - قاسيەتتى تاۋەلسىزدىگىمىز. سىرتتان كىرىپ كەتكەن تەرروريستەردىڭ ماقساتى قوعامدا ۇرەي تۋدىرىپ، بايراعىمىزدى جىعىپ، اياققا تاپتاۋ. تاۋەلسىزدىكتەن ايىرىلساق، ەشتەڭە دە كەرەك بولماي قالادى. ءبىر بولايىق، اعايىن!» دەپ جازدى اقبەرەن ەلگەزەك.
