توتەنشە جاعداي: ەلوردادا بازارلار مەن دۇكەندەردىڭ جۇمىس كەستەسى بەلگىلەندى

بيزنەس سۋبەكتىلەرى، ونىڭ ىشىندە ساۋدا نىساندارى مەن بازارلار، دۇكەندەر، ءدارىحانالار ت ج رەجيمىنىڭ قولدانىلۋ كەزەڭىندە جۇمىس كەستەسىن ساعات 8.00 دەن 22.00 گە دەيىن قامتاماسىز ەتۋى قاجەت. بيزنەس سۋبەكتىلەرىنىڭ باسشىلارى توناۋشىلىق، تاۋارلاردى ۇرلاۋ جانە مۇلىكتى ءبۇلدىرۋ جاعدايلارىن بولدىرماۋ ءۇشىن مۇمكىندىگىنشە قوسىمشا قاۋىپسىزدىك شارالارىن قولدانعانى ءجون. سونىمەن قاتار، ءۇش اۋىسىمدى جۇمىس كەستەسى بار ۇيىمدار مەن الەۋمەتتىك ماڭىزى بار ازىق- تۇلىك تاۋارلارىن تاسىمالداۋشىلاردان باسقا، كومەندانتتىق ساعات باستالعانعا دەيىن ازىق- تۇلىك جانە ازىق- تۇلىك ەمەس تاۋارلاردى، شيكىزاتتى، ماتەريالداردى جۇمىس كەستەسىنە سايكەس ۇزدىكسىز جەتكىزۋدى ۇيىمداستىرۋ قاجەت.

كومەندانتتىق ساعات كەزىندە قىزمەتى رۇقسات ەتىلگەن ۇيىمداردىڭ كولىك قۇرالدارىنىڭ ءجۇرىپ- تۇرۋى ءۇشىن وزىمەن بىرگە مىناداي قۇجاتتارى بولۋى قاجەت:

- جەكە كۋالىك نەمەسە پاسپورت (جۇرگىزۋشى جانە قىزمەتكەرلەر)؛

- اۆتوكولىك قۇرالىنا ارنايى رۇقساتتاما؛

- تاۋارلارعا قاتىستى: شىعۋ نۇكتەسىن جانە ءتۇپنۇسقاداعى جەتكىزۋ مەكەنجايىن راستايتىن تاۋار جۇكقۇجاتى؛

- قىزمەتكەرلەردى ءۇش اۋىسىمدىق جۇمىس كەستەسىمەن تاسىمالداۋ بارىسىندا - توتەنشە جاعداي كەزىندە جۇمىس ورنىن راستايتىن قۇجات (جۇمىس ورنىنان انىقتاما جانە ت. ب. ) ءتۇپنۇسقادا؛

ايتا كەتۋ كەرەك، جۇمىس ورنىن راستايتىن قۇجاتتا كورسەتىلگەن جەتكىزۋ مەكەنجايى مەن ۇيىمى سايكەس كەلۋى كەرەك. ءۇش اۋىسىمدى جۇمىس كەستەسى بار بيزنەس سۋبەكتىلەرى قىزمەتكەرلەردى تۇراقتى بەكىتىلگەن كولىك قۇرالىمەن ورتالىقتاندىرىلعان تاسىمالداۋدى قامتاماسىز ەتۋى كەرەك.