قىلمىس الەمىندە بەدەلدى «ديكي ارمان» ۇستالدى
نۇر- سۇلتان. قازاقپارات - الماتى پوليتسياسى قىلمىس الەمىندە بەدەلدى «ديكي ارماندى» قولعا ءتۇسىردى، دەپ حابارلايدى قازاقپارات ءتىلشىسى.
«قازىر عانا الماتىدان قىلمىس الەمىنىڭ بەدەلدىسى «ديكي ارماننىڭ» ۇستالعانى تۋرالى حابارلادى. جان- جاقتى ءسال كەيىنىرەك بەرۋگە ۋادە بەرىپ وتىر»، - دەدى «حابار 24» تەلەارناسىنىڭ جۋرناليسى تىكەلەي ەفير بارىسىندا.
ايتا كەتەيىك، بۇگىن مەملەكەت باسشىسى قاسىم- جومارت توقايەۆ قازاقستان حالقىنا ۇندەۋىندە الماتى، اقتوبە قالالارى مەن الماتى وبلىسىنداعى جاعداي قالپىنا كەلتىرىلگەنىن اتاپ وتكەن ەدى.
«ەنگىزىلگەن توتەنشە جاعداي رەجيمى ءوز ناتيجەسىن بەردى. بۇكىل ەلىمىز بويىنشا كونستيتۋتسيالىق زاڭدىلىق ورناتىلدى. ءبىراق تەرروريستەر مەملەكەتتىك جانە جەكە ازاماتتاردىڭ دۇنيە- مۇلكىنە ءالى دە زالالىن كەلتىرىپ، ازاماتتارعا قارسى قارۋ قولدانۋدا»، - دەگەن ەدى قاسىم- جومارت توقايەۆ.
اۆتور: مارلان جيەمباي
