قازاقستاندا ينتەرنەت بەلگىلى ءبىر ۋاقىت جيىلىگىمەن قوسىلاتىن بولدى
نۇر- سۇلتان. قازاقپارات - احۋال تۇراقتانعان وڭىرلەردە ينتەرنەت بايلانىسى بەلگىلى ءبىر ۋاقىت جيىلىگىمەن قوسىلادى. بۇل تۋرالى مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«مەن احۋال تۇراقتانعان جەكەلەگەن وڭىرلەردە ينتەرنەت بايلانىسىن بەلگىلى ءبىر ۋاقىت جيىلىگىمەن قوسۋعا شەشىم قابىلدادىم. بۇل شەشىم ازاماتتاردىڭ تىنىس- تىرشىلىگىنە وڭ اسەرىن تيگىزەرىنە سەنىمدىمىن. ءبىراق، ەسكەرتەمىن: ينتەرنەتكە ەمىن- ەركىن قول جەتكىزۋ وي مەن پىكىردى، وسەك- اياڭ، قورلاۋ، ارانداتۋشىلىق شاقىرۋلاردى ەمىن- ەركىن جاريالاۋعا بولادى دەگەندى بىلدىرمەيدى. مۇنداي ماتەريالدار پايدا بولعان جاعدايدا ءبىز ولاردىڭ اۆتورلارىن تابۋ جانە جازالاۋ ءۇشىن ءىس- شارا قولدانامىز»، - دەپ اتاپ ءوتتى قاسىم- جومارت توقايەۆ قازاقستان حالقىنا ۇندەۋىندە.
اۆتور: مارلان جيەمباي
