تەرروريستىك توپ ايەلدەر مەن قارتتاردى سوققىعا جىعىپ، زورلىق ارەكەتتەرگە باردى - داۋرەن ابايەۆ
نۇر- سۇلتان. قازاقپارات – ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ الماتىداعى تارتىپسىزدىكتەر نەگە دەر كەزىندە اۋىزدىقتالماعانىن ءتۇسىندىردى، دەپ حابارلايدى قازاقپارات ءتىلشىسى.
«كۇش جەتكىلىكسىز بولدى. شيەلەنىستىڭ ءبىر ۋاقىتتا بىرنەشە ايماقتا ساقتالۋى قوسىمشا كۇشتەردى الماتىعا تاستاۋعا مۇمكىندىك بەرمەدى. باسقىنشىلىق ارەكەتتەرمەن بىرگە جاپپاي قيراتۋ، توناۋ، بەيبىت تۇرعىنداردى، كۇزەتشىلەردى، ايەلدەر مەن قارتتاردى ۇرىپ- سوعۋ، زورلاۋ قيمىلدارىنا ۇلاستى»، - دەدى داۋرەن ابايەۆ «حابار 24» تەلەارناسىنىڭ ەفيرىندە.
سونداي- اق، ول الماتىداعى قاقتىعىستار كەزىندە تەرروريستەر جاعىنان ارنايى مەرگەندەر ارەكەت ەتكەنىن ءمالىم ەتتى. ولار بەينەباقىلاۋ كامەرالارىن جويىپ، قۇقىق قورعاۋ قىزمەتكەرلەرىن نىساناعا العان.
اۆتور: ەسىمجان ناقتىباي
