ۇلتتىق ۇلاننىڭ ەكى ساربازى قازا تاپتى
نۇر- سۇلتان. قازاقپارات - ەلىمىزدەگى جاپپاي تارتىپسىزدىكتەر كەزىندەگى قاۋىپسىزدىكتى قامتاماسىز ەتۋ بارىسىندا ۇلتتىق ۇلاننىڭ ەكى اسكەري قىزمەتشىسى قازا تاپتى، دەپ حابارلايدى ق ر ۇلتتىق ۇلانىنىڭ باسپا ءسوز قىزمەتى.
2022 -جىلعى 5-قاڭتاردا قاتارداعى ماديار قايساروۆ جەدەل ءبولىنىس قۇرامىندا قىزىلوردا قالاسىندا قوعامدىق ءتارتىپتى قالپىنا كەلتىرۋ بويىنشا قىزمەتتىك- جاۋىنگەرلىك مىندەتتەرىن اتقارۋ كەزىندە اۋىر جاراقات الدى. ءومىرىنىڭ سوڭعى ساتىنە دەيىن مىندەتىن ادال اتقارعان سارباز اۋىر جاراقات سالدارىنان كوز جۇمدى.
وسى كۇنى قولباسشىلىقتان بەرىلگەن قوعامدىق احۋالدى تۇراقتاندىرۋ جونىندەگى تاپسىرمانى ورىنداۋ كەزىندە تاعى ءبىر ۇلاندىق سارباز قازا تاپتى. قاتارداعى ايبات امانوۆ تالدىقورعان قالاسىندا زاڭدىلىقتى قالپىنا كەلتىرۋ كەزىندە قۇقىق بۇزعان بۇزاقىلارمەن بەتپە- بەت كەلگەن. ۇلتتىق ۇلان باس قولباسشىلىعى، ارداگەرلەرى مەن بارشا جەكە قۇرامى قازا تاپقان جاۋىنگەرلەردىڭ اتا- اناسى مەن تۋعان- تۋىسقاندارىنا قايعىرا كوڭىل ايتادى.
