نۇر- سۇلتان قالاسى كومەندانتىنىڭ بۇيرىعى شىقتى

قۇجاتتا توتەنشە جاعداي كەزەڭىندەگى نۇر- سۇلتان قالاسى كومەنداتۋراسى اپپاراتىنىڭ قۇرامى بەكىتىلگەنى ايتىلعان.

توتەنشە جاعداي رەجيمى كەزەڭىندە ءتيىستى ورگاندار مەن مەكەمەلەرگە مىناداي شارالار مەن شەكتەۋلەر ەنگىزۋ مىندەتتەلدى:

نۇر- سۇلتان قالاسىنىڭ پوليتسيا دەپارتامەنتى قوعامدىق ءتارتىپتى ساقتاۋدى كۇشەيتسىن؛

نۇر- سۇلتان قالاسىنىڭ مامانداندىرىلعان كۇزەت قىزمەتىنىڭ باسقارماسى اسا ماڭىزدى مەملەكەتتىك جانە ستراتەگيالىق وبەكتىلەردى، سونداي- اق حالىقتىڭ تىنىس- تىرشىلىگىن قامتاماسىز ەتەتىن وبەكتىلەردى جانە كولىكتىڭ جۇمىس ىستەۋىن كۇزەتۋدى كۇشەيتسىن؛

جەرگىلىكتى پوليتسيا قىزمەتى باسقارماسىنا پاترۋلدىك پوليتسيا پولكىنىڭ جانە مامانداندىرىلعان پاترۋلدىك پوليتسيا باتالونىنىڭ، «الماتى»، «بايقوڭىر»، «ەسىل» جانە «سارى ارقا» اۋداندارىنداعى پوليتسيا باسقارمالارىنىڭ كومانديرلەرى:

- استانانىڭ تىنىس- تىرشىلىگىن جانە كولىكتىڭ جۇمىس ىستەۋىن قامتاماسىز ەتۋ جونىندەگى ءىس- شارالارعا تارتىلعان ادامدار مەن كولىك قۇرالدارىن قوسپاعاندا، نۇر- سۇلتان قالاسىندا ساعات 23.00-دەن باستاپ ساعات 07.00-گە دەيىنگى كەزەڭدە ءجۇرىپ- تۇرۋ، ونىڭ ىشىندە كولىك قۇرالدارىنىڭ ەركىندىگىنە شەكتەۋلەر بەلگىلەسىن؛

- جەكە تۇلعالاردىڭ جەكە باسىن كۋالاندىراتىن قۇجاتتارىن قۇجاتتاردى، جەكە باسىن، ولاردىڭ زاتتارىن، كولىك قۇرالدارىن تەكسەرۋدى قامتاماسىز ەتسىن.

نۇر- سۇلتان قالاسىنىڭ پوليتسيا دەپارتامەنتى نۇر- سۇلتان قالاسىنىڭ قورعانىس ىستەرى جونىندەگى دەپارتامەنتىمەن بىرلەسىپ قالاعا كىرۋدى، سونداي- اق، استانادان كەلىپ- كەتەتىن بارلىق باعىتتارعا بلوكپوست ورناتۋ ارقىلى وتەتىن قوزعالىستى شەكتەسىن.

نۇر- سۇلتان قالاسىنىڭ اكىمدىگى:

- بەيبىت جينالىستاردى، ويىن- ساۋىق، سپورتتىق جانە باسقا دا بۇقارالىق ءىس- شارالاردى ۇيىمداستىرۋعا جانە وتكىزۋگە تىيىم سالۋعا؛

- ەرەۋىلدەرگە جانە زاڭدى تۇلعالاردىڭ قىزمەتىن توقتاتۋ ارەكەتتەرىنە تىيىم سالۋعا؛

- قارۋدى، وق- دارىلەردى، جارىلعىش زاتتاردى، ارنايى قۇرالداردى، ۋلى زاتتاردى ساتۋعا تىيىم سالۋعا، دارىلىك، ەسىرتكى قۇرالدارىنىڭ، پسيحوتروپتىق زاتتاردىڭ، پرەكۋرسورلاردىڭ، سونداي- اق ەتيل ءسپيرتىنىڭ، الكوگول ءونىمىنىڭ اينالىمىنا ەرەكشە رەجيم بەلگىلەۋگە؛

- قوعامدىق كولىكتىڭ شتاتتىق رەجيمدەگى جۇمىسىن قامتاماسىز ەتۋگە قۇقىلى.

اكىمشىلىك پوليتسيا باسقارماسى جەكە تۇلعالاردان قارۋ مەن وق- دارىلەردى، ال زاڭدى تۇلعالاردان قارۋ، وق- ءدارى، ۋلى زاتتارمەن قاتار جاۋىنگەرلىك جانە وقۋ اسكەري تەحنيكاسىن، جارىلعىش جانە راديواكتيۆتى زاتتاردى ۋاقىتشا الىپ قويۋدى قامتاماسىز ەتسىن.

نۇر- سۇلتان قالاسىنىڭ اكىمدىگى ءىس- شارالاردى ۇيىمداستىرۋعا بايلانىستى شىعىستارعا اقشالاي قاراجات ءبولۋدى قامتاماسىز ەتسىن.

ەسىمجان ناقتىباي