تۇركى اكادەمياسىنىڭ پرەزيدەنتى: قاسىم- جومارت توقايەۆ قابىلداعان شەشىمدەرگە تولىقتاي قولداۋ بىلدىرەمىز
نۇر-سۇلتان. قازاقپارات - «حالىقارالىق تۇركى اكادەمياسى قازاقستاننىڭ تاۋەلسىزدىگى مەن تۇتاستىعىنا قارسى باعىتتالعان باسبۇزارلىق ارەكەتتەردى ءۇزىلدى-كەسىلدى ايىپتايدى».
مۇنداي پىكىردى وسى ۇيىمنىڭ پرەزيدەنتى دارحان ءقىدىرالى ءبىلدىردى، دەپ حابارلايدى قازاقپارات.
«ءبىز بەيبىت ازاماتتارعا جانە ولاردىڭ ومىرىنە قاۋىپ توندىرەتىن، قوعامدىق ءتارتىپتى بۇزاتىن تەرروردىڭ بارلىق سيپاتىن قاتاڭ تۇردە ايىپتاي وتىرىپ، مەملەكەتتىلىكتىڭ ىرگەسىنە سىنا قاعاتىن، ەلدىككە زالال تيگىزەتىن بۇزاقىلىق ارەكەتتەرگە تۇبەگەيلى قارسى ەكەنىمىزدى مالىمدەيمىز.
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ قابىلداعان شەشىمدەرى مەن جۇرگىزىپ جاتقان انتي-تەررورلىق وپەراتسياسىنا تولىقتاي قولداۋ بىلدىرەمىز»، - دەدى حالىقارالىق تۇركى اكادەمياسىنىڭ پرەزيدەنتى.
سونداي-اق، دارحان قىدىرالى سىن ساعاتتا بۇكىل قوعامنىڭ اۋىزبىرشىلىگىن ساقتاۋى جانە ءاربىر ازاماتتىڭ ەل بيلىگىن قولداۋى قاجەت دەپ ويلايتىنىن ايتتى.
«قازاقستانداعى تۇراقتىلىقتىڭ تەزىرەك قالپىنا كەلۋى تامىرلاس، باۋىرلاس تۇركى ەلدەرى دە ءۇشىن اسا ماڭىزدى.
سوندىقتان كۇرمەۋى قيىن كۇردەلى كەزەڭدە قازاق ەلىندەگى الەۋمەتتىك-ساياسي جاعدايدىڭ تەز ارادا تۇراقتانۋىن تىلەيمىز» دەپ ءتۇيدى ءسوزىن ول.
