ساۋلە ايتپايەۆا تارتىپسىزدىككە بوي الدىرعان ازاماتتاردىڭ انالارىنا ۇندەۋ تاستادى
نۇر-سۇلتان. قازاقپارات - سەناتور ساۋلە ايتپايەۆا ەلىمىزدە ورىن العان جاعدايعا بايلانىستى ق ر پرەزيدەنتى قابىلداعان شەشىمگە قولداۋ ءبىلدىردى، دەپ حابارلايدى قازاقپارات ءتىلشىسى.
«مەن ەلىمىزدىڭ پرەزيدەنتى، قاۋىپسىزدىك كەڭەسى قابىلداعان، سونىڭ ىشىندە ۇ ق ش ۇ تاراپىنان كومەك كورسەتۋ تۋرالى شەشىمدەردى قولدايمىن»، - دەدى ساۋلە ايتپايەۆا.
سونىمەن قاتار، دەپۋتات ەرەۋىلشىلەردىڭ انالارىنا جۇگىندى.
«مەن تۇرعىن ۇيلەر مەن بيزنەس مەكەمەلەرىنە شابۋىل جاساپ جۇرگەن جاستاردىڭ انالارىن بالالارىن اقىلعا كەلتۋرگە شاقىرامىن. بالاسىن تەك انا عانا زورلىق-زومبىلىق ارەكەتتەن تىيا الادى. ال قويىلىپ جاتقان تالاپتاردى بەيبىت جولمەن شەشۋگە بولادى»، - دەدى ق ر پارلامەنت سەناتىنىڭ دەپۋتاتى.
