الماتىدا تەرروريستەر اۋرۋحاناعا جەتكىزىلگەن ناۋقاستاردى وتكىزبەي كەدەرگى جاسادى
نۇر- سۇلتان. قازاقپارات - الماتىدا لاڭكەستەر اۋرۋحاناعا جەتكىزىلگەن ناۋقاستاردى وتكىزبەي كەدەرگى جاسادى، دەپ حابارلايدى قازاقپارات ءتىلشىسى.
«تەرروريستەر قالانىڭ بەيبىت تۇرعىندارىنىڭ دەنساۋلىعى مەن ومىرىنە تاعى دا قاۋىپ ءتوندىرىپ تۇر. ولار مەديتسينالىق مەكەمەلەردىڭ جۇمىسىنا توسقاۋىل قويىپ تۇر»، - دەلىنگەن الماتى قالاسى كومەندانتۋراسى مالىمەتىندە.
بەلگىلى بولعانداي، بۇگىن تاڭەرتەڭ اتىس قاۋىمەن قارۋلانعان توپتار الماتىنىڭ ەكى ءىرى كوپبەيىندى كلينيكالىق اۋرۋحاناسىن (ءبىرىنشى جانە جەتىنشى اۋرۋحانا) قورشاپ العان.
«تەرروريستەر اۋرۋحانالارعا جەدەل جاردەم كولىگىمەن جەتكىزىلگەن ناۋقاستاردى، سونداي- اق دارىگەرلەر مەن مەديتسينالىق پەرسونالدى وتكىزبەي جاتىر»، - دەپ اتالىپ وتكەن حابارلامادا.
اۆتور: رۋسلان عابباسوۆ
